Kuzhina

Si të përgatitni bërxolla origjinale vjeneze: Kuzhinieri austriak zbulon ku qëndron perfeksioni i shijes!

Autori: Gazeta inFokus 13:00 | 01 October 2020

Shefi i kuzhinës i një restoranti të njohur vjenez, Jürgen Gschwendtner, ka zbuluar truqet me ndihmën e të cilave do t’i përgatisni bërxollat vjeneze

Bërxollat vjeneze bëhen nga mishi i viçit.

“Bërxollat klasike vjeneze janë të trashësisë 5 dhe 6 mm, ndërkaq kur i rrahim me çekiç, atëherë bëhen rreth 3 – 4 mm, thotë kuzhinieri dhe shton:

-Advertisement-

“Për përzierje të mirë për fërgim ju nevojiten vezë, kripë, miell i butë dhe thërrmija buke. Kur copa e mishit të kriposet mirë, në tërësi rrotullojeni në miell në mënyrë që më vonë thërrmijat të ngjiten mirë”, thotë Jürgen.

Pastaj njomni në vezë. Për bërxolla origjinale vjeneze ju nevojiten 5 deri në 7 vezë në mënyrë që copa e mishit të notojë në vezë si në pishinë, transmeton Telegrafi.

– Vezët nuk bën t’i rrihni shumë, është me rëndësi që të shihet dallimi midis të bardhëve dhe të verdhëve të vezëve”, ka thënë ai.

Pasi ta rrotulloni copën e mishit në thërrmija mund ta fërgoni.

Shtresa e vajit në tigan patjetër duhet të jetë 6 cm në mënyrë që të mund të notojë bërxolla mirë. Është me rëndësi që t’i rrotulloni mjaft.

Kur mishi të jetë gati, vendoseni në një letër që të kullohet yndyra.

Bërxollat vjeneze duhet të jenë kërcëlluese, jo të yndyrshme”, ka përfunduar kuzhinieri.

Subscribe në YouTube: GAZETA INFOKUSI

Të tjera

Fokusi

kuzhina-2