A ekzistojnë mënyra për të mos u dashuruar gjatë një marrëdhënieje? Po truke sikur në çift mbizotëron dashuria e vërtetë? Rezultatet e disa studimeve japin shumë indikacione në këto drejtime. Ndaj, nëse i besoni shkencës, vazhdoni leximin e artikullit më poshtë…

Studimet mbi psikologjinë dhe kiminë cerebrale të rënies në dashuri, lejojnë shumë aplikime praktike. Ka disa momente në jetë, në të cilat rënia në dashuri do të ishte një fatkeqësi: në këtë rast, është një përvojë e cila kërkon shumë energji, ndërsa mund t’iu shkëpusë nga qëllimet personale që aktualisht nuk përkojnë me marrëdhënien në çift.

Ndërkohë, në periudha të tjera, jeta vendos ndryshe: rënia në dashuri dhe jeta në çift mund të jenë një plotësi që konsiston në një jetesë edhe më të mirë. Çfarë këshillojnë studimet? Kush prej jush dëshiron të dashurohet dhe kush jo? Shpjegimet i gjeni në vijim:

Si të mos dashuroheni

-Nëse puthja e parë, ose më keq akoma, biseda mes jush ka ecur shumë mirë, duhet të ndaleni sa më parë të jetë e mundur për të shmangur ndërlikimet emocionale. Mos dilni më për dy herë të tjera me atë person dhe sigurisht, kurrë tre herë takim me të në harkun e një muaji.

-Reduktoni deri në minimum përkëdheljet para dhe pas raportit seksual në mënyrë që të reduktoni prodhimin e oksitocinës, hormonit i cili e forcon edhe më shumë një lidhje në çift. Lejoni që të kalojë kohë nga takimi në takim.

-Mos e shihni personin tjetër drejt e në sy: hunda është një zëvendësuese e mirë. Gjithashtu, shmangni ndarjen e informacioneve personale: lidhja fillon me empatinë.

-Frekuentohuni në shoqëri dhe izolohuni vetëm për kohën e “nevojshme”, mos bëni miqësi në rrjetet sociale.

-Nëse personi tjetër do që ta thellojë njohjen duke përmendur fëmijët dhe martesën, atëherë ju jeni me fat, sepse mund të shkëputeni direkt, sigurisht, nëse nuk keni qëllim që të bini në dashuri, të martoheni e të bëheni me trashëgimtar.

Si të dashuroheni

-Gjeni një person të lirë, që nuk ka nevojë të jetë në qendër të vëmendjes apo për siguri, por që t’i korrespondojë “hartës suaj të dashurisë” (aspektit fizik, mendjes, botës ideale, interesave etj).

-Shiheni tjetrin në sy duke buzëqeshur (kjo vë në funksion zona të trurit që lidhen me mirëqenien dhe intimitetin): nëse edhe atij/asaj i zgjerohen bebet e syrit, kjo do të thotë se të dy e pëlqeni njëri-tjetrin.

-Imitoni gjuhën e trupit të tjetrit: pozicionin e trupit, tonin e zërit, shpejtësinë e të folurit: reciprociteti në këtë drejtim do të rrisë ndjesinë e afrisë.

-Flitini për detaje personale dhe dëgjojeni personin tjetër të paktën për gjysmë ore, më pas prekuni nga duart dhe shiheni njëri-tjetrin në sy për katër minuta. Sipas Arthur Aron, psikologut njujorkez, vendimtare për të rënë në dashuri janë pikërisht këto 34 minuta.

-Bëni dashuri me këtë person sa më shpesh të mundni: oksitocina e prodhuar do t’iu ndihmojë që të forconi lidhjen tuaj dhe të përjetoni dashurinë, e cila padyshim rritet nga dita në ditë nëse e dëshironi vërtet ndjenjën e dashurisë.

Për Festën e Bajramit, ZBRITJE deri n’KUPË t’QIELLIT!

Sponsoruar