Si i keni mendimet, ashtu e keni edhe jetën!
![](https://gazetainfokus.com/wp-content/uploads/2018/01/si-i-keni-mendimet-ashtu-e-keni-edhe-jet-euml-n_hd-780x439.jpg)
Autori: Gazeta inFokus
15:31 | 19 January 2018
Sipas disave që e kanë studiuar, Ligji universal i tërheqjes është me ne që nga fillimi i kohëve, madje ndoshta nga momenti i krijimit dhe fillimit të mendimeve. Të tjerët thonë që është e pamundshme të përcaktohet saktë se kur ka hyrë ky koncept në mendjen njerëzore.
Disa ekspertë për vetëndihmë thonë që Ligji i tërheqjes ndoshta daton që para 6.000 ose 7.000 viteve ku përmendet në traditat mistike dhe besimet e njerëzve. Përkthimet e teksteve të lashta sugjerojnë që stërgjyshërit tanë spiritualë kanë ditur shumë për qiellin dhe tokën, por edhe për marrëdhëniet mes gjërave.
Me siguri e keni dëgjuar thënien e vjetër që e ngjashmja tërheq të ngjashmen. Mendoni për këtë gjë dhe pak a shumë do ta keni të qartë se çka është Ligji i tërheqjes.
E thënë thjeshtë, Ligji i tërheqjes pohon që mendimet tona në jetë tërheqin gjërat, njerëzit, situatat dhe rrethanat, pozitive dhe negative. Përkrahësit e Ligjit të tërheqjes thonë që në jetën tuaj tërhiqni atë për çka mendoni. Mendimet mund të bëhen me ngarkesë emocionale. Kur dëshironi diçka jeni shumë të entuziazmuar për shkak të mundësisë që dëshirat tuaja t’ju plotësohen. Ju besoni se mund të keni diçka.
Mund ta meritoni atë gjë. Kjo do të vijë tek ju
Përkrahësit e Ligjit të tërheqjes pohojnë që kjo funksionon kur e dini saktë se çka dëshironi. Dëshira juaj ka energjinë të cilën ia japin mendimet, emocionet, fotografitë vizuale dhe besimi i fortë që do të realizohet ajo që dëshironi. Mund të ndieni dhe të shprehni falënderim për atë që tashmë keni, madje edhe për atë që dëshironi, edhe pse ajo ende nuk ka ardhur në duart tuaja.
Ligji i tërheqjes nuk përfshin dëshirat, mendimet dhe ëndërrimet boshe ose fantazitë momentale. Dëshira nuk është një qëllim mjaft i fortë. Ligji gjithmonë u jep njerëzve atë çka dëshirojnë më së shumti.
Ligji i tërheqjes vepron si përgjigje në mendimet që janë bërë energji. Çka nëse qëllimisht i kushtoni vëmendje diçkaje që dëshironi ta ftoni në jetë, diçka që thellë dëshironi që të realizohet? A mundet Ligji i tërheqjes ta realizojë këtë? Përgjigja është po. Gjithmonë.
Nuk është e rëndësishme çka dëshironi: pasuri, marrëdhënie me shumë dashuri, spiritualitet, shëndet të mirë, shtëpi të madhe, automobil të ri. E rëndësishme është të kuptoni që mendimet tuaja po ashtu mund të tërheqin gjërat që nuk i dëshironi. Gjërat të cilave u frikësoheni më së shumti dhe nëse mendoni për to, shpesh ose në mënyrë obsesive, po ashtu mund t’i ndillni në jetën tuaj.
Duke përsëritur mendimet që janë të ngarkuara me frikë shumë lehtë mund të lejoni në jetën tuaj realizimin e atij ankthi. Më mirë është të largoni ato mendime të errëta. Mos hiqni dorë. Në vend të kësaj zëvendësoni mendimet tuaja të tmerrshme me besimin që keni bërë gjithçka që është në fuqinë tuaj që ato të mos realizohen.
Kuptimi i bazës së Ligjit të tërheqjes na mundëson të arrijmë qëllimet tona, të fitojmë më shumë se që dëshirojmë dhe të shmangim tërheqjen e gjërave që nuk i dëshirojmë. Nëse u kushtojmë vëmendje mendimeve tona mund të arrijmë potencialin tonë të plotë dhe së bashku të krijojmë një botë më harmonike dhe më të drejtë.
Mjeti më i fuqishëm për krijim është truri juaj!
Secili mund të marrë vendimin për atë se çka dëshiron ose nuk dëshiron në jetën e vet. Mund të përdorni të drejtën tuaj të realizoni ëndrrat, dëshirat dhe ambiciet tuaja. Së pari mund të duket e pamundshme të hiqni qafe borxhet dhe të ndryshoni mënyrën sipas së cilës mendoni. Por, Ligji i tërheqjes e bën këtë gjë të mundshme. Mendoni çdo hap të planit, vizualizoni çka do të ndodhë dhe ndieni lumturinë për shkak të kësaj.
Çdo mendim i juaj posedon energji të pabesueshme, ndërsa atë energji e drejtoni ju! Mund ta keni jetën që e keni zgjedhur! Duhet vetëm pak imagjinatë.
Pavarësisht a ëndërroni me sy hapur apo në gjumë, mendja mendon me fotografi dhe simbole. Përkrahësit e Ligjit të tërheqjes do të ju thonë qartë që kur mendoni qartë atë çka dëshironi më së shumti, Ligji i tërheqjes edhe ua jep atë gjë. Universi merr detyrën të rregullojë ose të shpërndajë elementet dhe rrethanat e nevojshme që e krijojnë të pamundshmen.
Mirënjohja luan rol të rëndësishëm për shkak të mënyrës si ndiheni kur jeni mirënjohës për diçka. Kur jeni mirënjohës, ndiheni mirë, keni ndjenja dhe mendime pozitive. Ligji gjithmonë reagon në atë në çka i keni përqendruar mendimet dhe emocionet tuaja.
Mendoni se si duket diçka nën xham zmadhues ose mikroskop. Subjekti i studimit vjen në fokus të fortë dhe rritet shumë ehur. E njëjta ndodhë kur përdorni Ligjin e tërheqjes! Mendimet tuaja bëhen të fokusuara, më shumë të koncentruara dhe me plot energji. Duheni të merrni atë çka dëshironi. Ligji vazhdimisht reagon në atë që keni përqendruar mendimet dhe emocionet tuaja.
Ligji i tërheqjes është i paanshëm. Çka do që mendoni manifestohet. Mendimet e pavetëdijshme për ndodhitë negative mund të ndjellin përvojat negative në jetën tuaj. Ka shumë probabilitet që do të deklaroni që kurrë nuk do të dëshironi që të ndodhë diçka e tillë, por atëherë atë gjë edhe do ta tërhiqni në jetë. Çka mendoni, pse thuhet “kurrë mos thuaj kurrë”? Kur filloni të lidhni mendimet tuaja me ngjarjet që kanë ndodhur ose ndodhin në jetën tuaj, do të mund të shihni se si mendimet tuaja ndikojnë në jetën tuaj.
Nëse dëshironi të kërkoni diçka në jetë, duhet të krijoni hapësirë për atë. Me fjalë tjera, duheni të rrënoni, hiqni dhe spastroni hapësirën e qartë për të krijuar atmosferën e drejtë për marrjen e punës së re, rritjen e pagës, dashurinë apo miqtë. Tradita e lashtë Feng Shui thekson pastrimin e hapësirës për të tërhequr çka dëshironi në jetë. Parregullsia pengon ose bllokon rrjedhjen e energjisë. Kur tentoni të kërkoni diçka të mirë, sigurisht nuk dëshironi të bllokoni ardhjen e tij/saj.
Së pari kontrolloni mendimet tuaja? A janë pozitive? Mos keni krijuar pavetëdijshëm ndonjë bllokadë? Nëse është ashtu, largojini nga mendja. Krijoni hapësirë për atë çka dëshironi. Pasuri, bizhuteri të shtrenjtë, shtëpi të re, automobil, super trup të shëndetshëm, humbje të peshës. Mund të keni çka do që dëshironi.
![](https://gazetainfokus.com/wp-content/uploads/2023/10/sami1.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...