Rozë

“Si janë Bora dhe Donaldi?”/ Semi Jaupaj e ka gati përgjigjen për fansat (FOTO)

Autori: Gazeta inFokus 13:22 | 28 Shtator 2022

Që pas pjesëmarrjes në “Big Brother VIP”, Semi Jaupaj, vijon të jetë më shumë në qendër të vëmendjes së publikut. Ajo është mjaft aktive në rrjetet sociale, ku së fundmi ka vendosur që të bëjë një bashkëbisedim virtual me ndjekësit.

Duke iu dhënë të drejtën që t’i bëjnë pyetje, fansat kanë qenë shumë kuriozë për çdo detaj që lidhet me jetën e këngëtares.

Madje nuk kanë munguar as pyetje rreth çiftit Bora-Donald. E pyetur se “Si janë Bora dhe Donaldi?”, Semi përgjigjet: “Nga fotoja dukeshin shumë mirë”, referuar postimit të çiftit ditën e djeshme në rrjetet sociale.

-Advertisement-

Por jo vetëm kaq, pasi një tjetër ndjekës i ka kërkuar Jaupajt të publikojë një fotografi me aktorin e njohur të humorit. Semi ka zgjedhur që të postojë një foto të realizuar brenda shtëpisë më të famshme në Shqipëri, “Big Brother VIP”.

Edhe Donald Veshaj ka vendosur që ta ripostojë këtë foto, ku bashkëngjitur me të ka shkruar: “Dhe ta mendosh se ke qenë e shëndoshë”.

Gjithashtu Semi u pyet nëse kënga e saj e fundit është dedikim ajo tha: “Arti është frymëzim, artistët frymëzohen nga cicërimat e zogjve, nga dielli nga shiu, nga dashuritë. Nga ato të pastra të sinqerta”.