Lajme

Si humbi vota e PDK-së në Prizren dhe fitoi Mytaher Haskuka i VV-së

Autori: Gazeta inFokus 16:55 | 18 October 2021

Shaqir Totajt i Partisë Demokratik të Kosovës do t’i duhet të shkojë edhe një herë në balotazh me Mytaher Haskuken e Lëvizjes Vetëvendosje.

Të njëjtin fat Totaj e Haskuka e kishin pasur edhe në vitin 2017, shkruan Gazeta Infokus.

Por në atë kohë, Totaj ishte renditur i parë duke lënë pas Haskukën në raundin e parë, i cili në balotazh arriti të bëhet kryetari i ri i Prizrenit.

Totaj krahasuar më zgjedhjet e vitit 2017 ka marrë më pak vota se sa Haskuka, shkruan Gazeta Infokus.

Referuar të dhënave të KQZ-së, në këto zgjedhje, kandidati i PDK-së, ka marrë 1 mijë e 791 vota më pak se sa në raundin e parë të zgjedhjeve të 2017-së.

Kurse krahasuar më të dhënat e raundit të parë të 2017-së, Haskuka mori 8 mijë e 537 vota më shumë në këto zgjedhje.

Në këto zgjedhe, Mytaher Haskuka ka dali i pari në Prizren më 40.43% të votave.

Kurse Totaj për dallim nga raundi i pari i zgjedhjeve të 2017 është renditur i dyti më 31.10% të votave.

Kështu këta dy kandidatë pritet të përballën edhe një herë për të parin e kësaj komune./Gazeta Infokus/

Të tjera