Si e pranuan Kurti dhe Borrelli se plani është i BE-së, e jo franko-gjerman?
Autori: Gazeta inFokus 11:02 | 15 November 2022
Përfaqësuesi i lartë i BE-së, Josep Borrell, e ka pranuar të hënën se propozimi që e kanë prezantuar për Kosovën dhe Serbinë, nuk është franko-gjerman por se është prezantuar nga ai dhe emisari i BE-së për dialogun, Miroslav Lajçak.
Ai mes tjerash ka theksuar se planin në fjalë nuk e kanë refuzuar palët përkatëse dialoguese.
“Propozimi që kemi paraqitur; jam i lumtur të them se Franca dhe Gjermania kanë qenë shumë mbështetëse për këtë propozim. Ky propozim i quajtur edhe franko-gjerman, në fakt është mbështetje franko-gjermane, por propozimi i paraqitur nga unë dhe Miroslav Lajçak është propozim që përpiqet të dalë nga kriza”, ka thënë Borrell.
Njëjtë tha edhe kryeministri i vendit, Albin Kurti, i cili nga Forumi Ekonomik i Vjenës, e pranoi se në ditën e 9-të të shtatorit, iu prezantua plani për një marrëveshje me Serbinë.
Kjo sipas tij u bë nga Miroslav Lajçak, e jo nga Jens Ploetner ose Emmanuel Bonne.
“Ky është më tepër propozim i Brukselit i cili mbështetet nga të dy, Parisi e Berlini por edhe nga Uashingtoni. Propozimi u shpall në takim nga Lajçak dhe ai kishte mbështetjen e tre qendrave”, tha Kurti.
Ditë më parë për këtë plan foli në Rubikon të Klan Kosovës edhe kryekuvendari Glauk Konjufca.
Ai mes tjerash tha se në bazë ky plan është i mirë për zgjidhjen e relacioneve Kosovë-Serbi.
“Të gjitha ato rezervat që i kemi, paraprihen prej fjalisë me të cilën fillon që ky është një plan, në bazë është një plan i mirë për t’i zgjidhur deri në njohjen e plotë në relacionin në mes të Kosovës dhe Serbisë”, tha ai.
Sipas tij, Serbia e ka refuzuar këtë plan, por edhe nëse e nënshkruan, Kosova s’duhet të krijojë iluzione, pasi, sipas tij, ajo në çdo moment mund ta “thyej” atë marrëveshje.
“Ne po supozojmë që po nënshkruhet kjo marrëveshje, edhe pse po më duket që po flasim në ajër, pasi Serbia e ka refuzuar, nuk e di çfarë pasojash mund të ketë ajo që e ka refuzuar, por nuk po shoh kurrfarë pasojash nga bashkësia ndërkombëtare. Edhe kur Kosova e nënshkruan, edhe kur Serbia e nënshkruan, ne s’duhet të futemi në iluzione sepse Serbia në çdo moment mund ta thyejë këtë marrëveshje”, ka shtuar ai.
Të tjera
-
Daçiq e falënderon Kinën për mosnjohjen e Kosovës
Ministri i Brendshëm i Serbisë, Ivica Daçiq, e ka nisur vizitën e tij n...
-
Mehaj: Policia jonë u ka treguar armiqve se Kosova ka zot shtëpie dhe dinë e mund ta mbrojnë vendin
Ish-ministri i Mbrojtjes, Armend Mehaj është shprehur se “Policia e Kosovës n...
-
Vuçiq: Na presin shumë probleme lidhur me Kosovën
Presidenti i Serbisë, Aleksandar Vuçiq, ka deklaruar se vendin e tij e presin...
-
Reuters shkruan për bllokimin e pikave kufitare Serbi-Kosovë
Agjencia e lajmeve “Reuters” ka shkruar një artikull për bllokimin e pikave k...
-
Zhegrova e fshinë postimin për Kosovën pasi u përjashtua nga grumbullimi
Sulmuesi Edon Zhegrova e ka fshirë postimin e tij inkurajues të publikuar pas...
-
“Dardanët” reagojnë pas vendimit për përjashtimin e Zhegrovës, Muslijës e Muriç
Kryetari i tifo-grupit “Dardanët” ka reaguar pas vendimit të FFK-së për përja...
-
Deri më 26 dhjetor votuesit mund të ndërrojnë qendrën e votimit
Deri më 26 dhjetor të këtij viti, votuesit kanë kohë që të ndërrojnë qendrën ...
-
Zgjedhjet 2025, Rama: Do të fitojmë sërish, PD nuk do të marrë më shumë mandate se në vitin ’97
Nga Asambleja e PS që po mbahet në Durrës, kryeministri i Shqipërisë, njëherë...
-
Elon Musk pret të bëhet trilioneri i parë në botë deri në vitin 2027
Elon Musk është në hap për t’u bërë trilioneri i parë në botë deri në vitin 2...
-
Kurti fton qytetarët që të marrin pjesë në nominimet për ‘Çmimet e Vullnetarizmit’
Kryeministri i Kosovës, Albin Kurti ka bërë një thirrje për qytetarët ditën e...
-
Në QKUK bëhen gati për ekzaminime të reja të foshnjave
Brenda pak muajsh, Klinika e Neonatologjisë në Qendrën Klinike Universitare t...
-
Opozita e shqetësuar për raportet me aleatët, pushteti e quan të padrejtë qasjen e BE-së dhe ShBA-së
Reagimet e aleatëve ndërkombëtarë të Kosovës pas vendimit për mbylljen e komu...