Lajme

Si do të lejohen të lëvizin veturat me targat “KM”, “GL”, “UR”… nëpër rrugët e Kosovës?

Autori: Gazeta inFokus 13:19 | 01 Tetor 2021

Serbët e Kosovës mund t’i regjistrojnë veturat e tyre në Serbi me targa të Ferizajt, Prishtinës e komunave tjera të Kosovës, por vetëm duhet ‘i mbulojnë simbolet serbe për të qarkulluar pa problem.

Kështu e thotë marrëveshja e arritur mes Kosovës dhe Serbisë për targat në Bruksel, shkruan Gazeta Infokus.

Ministri i Punëve të Jashtme të Kosovës, Besnik Bislimi në një deklarim të tij në emisionin “Interaktiv” ka thënë se nga data 4 tetor, secilës tabelë të automjeteve të Serbisë do t’i mbulohet shenja shtetërore.

-Advertisement-

“Marrëveshja për targat thotë që secili shtet duhet ti mbuloj me letra ngjitëse simbolet e tyre shtetërore të targave që janë nxjerr nga shteti tjetër. D.m.th. çdo targë që nxjerrët nga shteti serb do të trajtohet si targa e shtetit serb e që nuk vlejnë në Kosovë dhe të njëjtat do t’iu mbulohet simboli shtetëror përgjatë kësaj periudhe 6 mujore dhe rrjedhimisht nuk njihet si targë e ndonjë qytetit te Kosovës.

Sipas Bislimit kërkesa ka qenë që të paktën për këtë periudhë tranzitore të mos konfiskohen tabelat “KM” në ato qytete që qarkullojnë me qëllim të tranzicionit të tyre drejt targave të rregullta.

“Targat të cilat nuk kanë qarkulluar më parë nëpër qytetet e Kosovës nuk do të qarkullojnë edhe tutje, por kërkesa ka qenë që të paktën për ketë periudhë tranzitore të mos konfiskohen në ato qytete që qarkullojnë. Në mënyrë që krahas kalimit të sistemit permanent te mundësohet tranzicionit i tyre drejt targave të rregullta./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy