Z Mobile nga dita e mërkure me nuk do të ekzistojë.

Ky operator do të kalojë në pronës të Telekomit të Kosovës, shkruan Gazeta inFokus.

Kështu ka bërë të ditur Z Mobile përmes një njoftimi për media.

“Autoriteti Rregullativ i Komunikimeve Elektronike dhe Postare(ARKEP) ka vendosur që numeracionin e alokuar deri më tash te Zmobile t’ia kalojë në shfrytëzim Telekomit të Kosovës.

Kjo ka ndodhur në mesnatë, me të filluar të datës 28.11.2019, kur edhe ka pushuar dhënia e shërbimeve nga Telekomi i Kosovës për nevoja të Z Mobile”, thuhet në këtë njoftim.

Sipas Z Mobile-it me këtë vendim nuk janë pajtuar dhe situata e krijuar është jashtë vullnetit të kësaj kompani.

“Kështu që jemi të obliguar të ju informojmë se nga sot, më 28.11.2019, Z Mobile pushon së dhëni shërbime për klientët.Na vjen keq për çfarëdo bezdie që mund të ju shkaktohet nga gjendja e krijuar”, thuhet në fund të këtij njoftim./Gazeta inFokus/