Shtetet amerikane përgatiten për protesta para inaugurimit të Bidenit
Autori: Gazeta inFokus 11:49 | 16 January 2021
Guvernatorët në mbarë Shtetet e Bashkuara po kërkojnë ndihmën e trupave të Gardës Kombëtare dhe po shpallin gjendje të jashtëzakonshme, teksa po bëhen gati për protesta në kryeqytetet e shteteve amerikane, përpara inaugurimit të presidentit të zgjedhur, Joe Biden.
Byroja Federale e Hetimeve (FBI) ka paralajmëruar për dhunë të mundshme në të gjitha kryeqytetet e shteteve amerikane dhe ka thënë se ka gjurmuar “biseda shqetësuese online”, përfshirë edhe biseda ku bëhej thirrje për protesta të armatosura.
Zyrtarët shtetërorë kanë zbatuar masa të sigurisë për të shmangur çdo lloj dhune, e tillë siç ndodhi më 6 janar në Uashington, ku protestues të dhunshëm, mbështetës të presidentit në largim, Donald Trump, sulmuan ndërtesën e Kongresit amerikan, me qëllim që të ndalonin certifikimin e fitores së Bidenit. Në këto protesta mbetën të vdekur pesë persona.
Dhjetëra guvernatorë i kanë bërë thirrje Gardës Kombëtare që të mbrojë shtetet e tyre dhe të ndihmojë zyrtarë lokalë të sigurisë.
“Ne jemi të përgatitur për më të keqen, por mbesim me shpresë se ata që kanë zgjedhur të protestojnë në kryeqytetet tona, ta bëjnë këtë në mënyrë paqësore, pa dhunë apo shkatërrim të pronës”, tha drejtori i policisë në shtetin e Miçigenit, koloneli, Joe Gasper.
Në këtë shtet, është ngritur edhe një gardh prej dy metrash në ndërtesën e guvernatorit.
Guvernatori i Kalifornisë, Gavin Newsom ka mobilizuar rreth 1,000 pjesëtarë të Gardës Kombëtare dhe po ashtu ka ngritur një gardh përreth ndërtesës ku ndodhet zyra e tij.
“Ne po e trajtojmë këtë situatë shumë seriozisht dhe po vendosim burime të mjaftueshme për sigurinë publike, për të mbrojtur infrastrukturën kruciale dhe të drejtat e Amendamentit të parë”, tha Newsom në një video-mesazh.
“Por, më lejoni të jem i qartë: nuk do të ketë tolerancë për dhunë”, shtoi ai.
Guvernatorët e Viskonsinit, Ohajos, Indianas, Kansasit dhe Pensilvanisë po ashtu kanë njoftuar se kanë mbyllur shtetet e tyre ose kanë vendosur kufizime në qasjen publike. Ndërkaq, guvernatorët në Merilend, Nju Meksiko dhe Utah kanë shpallur gjendje të jashtëzakonshme.
“Ne respektojmë të drejtën e qytetarëve në Utah për tubime paqësore, që garantohen në Kushtetutë”, tha guvernatori i këtij shteti, republikani Spencer Cox.
“Por, ne nuk do të lejojmë kërcënime fizike ose ndaj ndërtesës së guvernatorit në Utah”, shtoi ai.
Vendimet për të shtuar masat e sigurisë bazohen ose në madhësinë e protestave në të kaluarën ose në paralajmërimet e përgjithshme të lëshuara nga autoritetet. Disa guvernatorë kanë thënë se do të zbatojë masa vetëm për të qenë të kujdesshëm, pa pasur indikacione se mund të ketë protesta në ditët në vijim.
Masat e mbylljes në Uashington kanë lënë zbraztë rrugët kryesore, që zakonshëm, janë të mbingarkuara. Një gardh i madh me gjemba është vendosur përgjatë ndërtesës së Kongresit. Kryetarja e Uashingtonit ka thënë se kushdo që do të gjendet brenda perimetrit të vendit ku do të mbahet inaugurimi i Bidenit, do të ndalohet dhe do të merret në pyetje nga zyrtarët.
Kjo zonë përshin edhe disa monumente ikonë të Uashingtonit, përfshirë Monumentin e Linkolnit, ku zakonisht, turma të mëdha njerëzish mblidhen për të parë betimin e presidentit.
Edhe zona përreth Shtëpisë së Bardhë është mbyllur për qarkullim. Aty gjendet edhe një urë mbi Lumin Potomak, që lidh Virxhinian me Uashingtonin.
Zyrtarët kanë thënë se rreth 20,000 trupa të Gardës Kombëtare do të jenë të pranishëm në Uashington, por numri i tyre mund të rritet deri në 25,000.
Edhe përpara sulmit të 6 janarit në Kongres, në ceremoninë e inaugurimit të Bidenit pritej që të merrnin pjesë më pak persona, për shkak të shqetësimeve lidhur me pandeminë e koronavirusit. Shumë ngjarje të kësaj natyre, për shkak të pandemisë, janë zhvilluar virtualisht.
Presidenti i zgjedhur, Joe Biden tha më 15 janar, se edhe një ceremoni më e vogël e inaugurimit, me masa të shtuara të sigurisë, sërish do t’i japë botës “një shenjë të qartë se Amerika po rikthehet”.
Ai tha se është thellësisht i bindur se zyrtarët e sigurisë do të ofrojnë “dinjitet, paqe dhe siguri për këtë ngjarje”.
Presidenti Trump, i cili ka bërë pretendime të pabaza se ka pasur mashtrime zgjedhore, do të largohet për në klubin e tij të golfit Mar-a-Lago në Florida, në mëngjesin e 20 janarit, para se Bideni të betohet si president, kanë raportuar mediat, duke cituar një zyrtar të paidentifikuar.
Më 13 janar, Dhoma e Përfaqësueseve ka votuar akuzat ndaj Trumpit, të cilin e akuzojnë për nxitje të kryengritjes dhe ai pritet të përballet me gjykim në Senat, pasi Biden të marrë postin e presidentit.
Të tjera
-
Stano: Për masat ndaj Kosovës vendos Këshilli… në bazë të raportit të Borrellit
Bashkimi Evropian tha se Këshilli i Ministrave do të diskutojë për masat ndaj...
-
Kamberi takohet me Von Cramon, diskutojnë problemet e diskriminimit të shqiptarëve në Luginë
Deputeti shqiptar në Parlamentin e Serbisë, Shaip Kamberi është takuar me eur...
-
Emmerson: Prokuroria po e shfrytëzon dëshmitarin Ramiz Qeriqi si “kalë troje”
Ka filluar dëshmia e dëshmitarit 55-të në Hagë. Dëshmitari është Ramiz Qer...
-
Haradinaj bën homazhe në Sllup, Hereq dhe Dujakë
Kryetari i AAK-së, Ramush Haradinaj, ka bërë homazhe në Sllup, Hereq dhe Duja...
-
Duda Balje u ndalua nga policia serbe në Merdarë
Deputetja e Kuvendit të Kosovës, Duda Balje është ndaluar të martën nga autor...
-
Aktivistët bllokojnë me ngjitës zyrën e profesorit Xhevat Krasniqi
Lëvizja Feministe Studentore ia ka bllokuar me ngjitës zyrën profesorit të Un...
-
PAMJE: “Fluturoi” mbi rrreth dhe mori shtyllën me vete, kështu përfundoi në pompë të derivateve vetura në Veternik
Një aksident i rëndë ka ndodhur të dielën në Veternik ku një veturë ka përfun...
-
Ramiz Qeriqi pohon se kishte polici ushtarake në batalionin e tij
Në Dhomat e Specializuara të Kosovës (DhSK) po vazhdon dëshminë dëshmitari i ...
-
Bie fasada nga një ndërtesë në Prishtinë, detaje nga zjarrfikësit
Në rrugën “UÇK” në Prishtinë një pjesë e fasadës së një ndërtese ka rënë, duk...
-
Ambasada britanike për zgjedhjet në veri: Bojkoti – pengesë për demokracinë
Ambasada e Britanisë së Madhe në një përgjigje për RTK-në është deklaruar se ...
-
Gërvalla me vendim ndalon punësimin e familjarëve në MPJD
Ministrja e Punëve të Jashtme dhe Diasporës, Donika Gërvalla, ka marrë vendim...
-
Sandulloviq falënderon Osmanin për ngritjen e çështjes së tij në mbledhjen e OKB-së
Politikani serb, Nikolla Sandulloviq, ka falënderuar presidenten e Kosovës pë...