Sport

Shtëpia e Sergio Ramos bie pre e grabitësve, tmerrohen katër fëmijët që ndodheshin brenda

Autori: Gazeta inFokus 10:35 | 27 September 2023

Futbollisti Sergio Ramos dhe prezantuesja Pilar Rubio kanë pësuar një grabitje në shtëpinë e tyre në Seville më 20 shtator. Çifti nuk ishte në shtëpi, në fermën La Alegría (Bollullos de la Mitación), por katër fëmijët e tyre, nga tre deri në tetë vjeç, të shoqëruar nga dy kujdestarët e tyre. Asnjë prej tyre nuk u dëmtua.

Çështja po hetohet nga efektivët e Policisë Gjyqësore të Gardës Civile, pa u zbardhur ende numri i sulmuesve apo arrestimi i tyre. Hajdutët plaçkitën shtëpinë dhe morën sende të çmuara, duke filluar nga orët luksoze dhe bizhuteritë deri te veshjet e stilistëve të njohur, si dhe para të gatshme që gjetën në shtëpi.

Sipas “ABC Sevilla”, grabitja ka ndodhur gjatë ndeshjes mes Sevilla dhe ekipit francez Lens (1-1) në Champions League, të zhvilluar në stadiumin “Sánchez Pizjuán”. Sergio Ramos ishte në skuadër dhe luajti të gjitha 90 minutat e lojës.

-Advertisement-

Subscribe në YouTube: GAZETA INFOKUSI
Etiketa:
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

sport