Ka një javë që shkollat në Gjakovë kanë nisur të bojkotojnë grevën e nisur nga Sindikata e Bashkuara e Arsimit në Kosovë në krye me Rrahman Jasharajn.

E deri më tash janë 7 shkolla që kanë nisur mësimin dhe kanë braktisur grevën.

Këtë për Gazetën Infokus e ka konfirmuar drejtoresha e Arsimt në Komunën e Gjakovës, Eranda Kumanova – Baçi, e cila konfirmoi se sot zyrtarisht edhe një shkollë tjetër ka filluar mësimin.
“Po mësimi ka filluar edhe në shkollën “ Mazllum Këpuska“ sot , jam informuar zyrtarisht nga drejtoria e shkollës për nisjen e procesit mësimor, gjithsej shtatë shkolla janë duke zhvilluar procesin mësimor në Gjakovë sipas informacioneve që kemi tha Kumanova–Baçi për Infokus.

-Advertisement-

Kujtojmë se greva zyrtarisht ka nisur me 25 gusht, derisa po vazhdon edhe tash kur jemi në javën e parafundit të shtatorit.

Derisa iu desh një kohë goxha e gjatë që kryeministri i vendit, Albin Kurti të thërrasë në takim kreun e SBASHK-ut për të gjetur një zgjidhje, mirëpo edhe pas këtij takimi, nuk u arrit ndonjë marrëveshje.

Krye sindikalisti Rrahaman Jasharaj, pas takimit me kryeministrin tha se nuk ka ndonjë lajm të mirë dhe se greva do të vazhdojë.

“Sapo dolëm nga një takim qe shumë kohë i pritur. Të dyja palët i kanë thënë mendimet e veta, ne si Këshill Grevist ia rikujtuam kryeministrit kërkesat tona, ata na treguan për angazhimet që i kanë bërë dhe mund të them se takimi ishte përmbajtjesor, por aktualisht nuk kemi ndryshime”, deklaroi Jasharaj.

Ndërsa kryeministri i vendit në një konferencë për media tha Jasharaj i këkroj ndihmë si vëlla dhe se koha kuyr kryeministri konsiderohej si vëlla ka kaluar.

Madje Kurti ironizoi disa herë me këtë deklaratë që sipas tij e tha Jasharaj në takim, “më ndihmo si vëlla, ami 100 euro”.

“Një sindikatë që i kërkon 100 euro dhe i ka marrë 50 euro, organizon festë, nuk vazhdon grevë. Në ditët e javët në vijim do ta marrim vesh se çka është në pyetje. Nuk është në pyetje arsimi, nuk janë në pyetje arsimtarët. Tha do të konsultohem me anëtarësinë dhe doli para juve”, theksoi Kurti në konferencën pas takimit.

Ndërsa Jasharaj ka deklaruar se greva do të vazhdojë edhe këtë javë, derisa ka theksuar se greva është nisur në prani të mediave dhe do të mbyllet vetëm në prani të tyre./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-