Lajme

​Shtatë komuna pa asnjë librari

Autori: Gazeta inFokus 14:04 | 23 August 2023

Rreth shtatë komuna nuk kanë librari, ndaj pajisja me libra nga vetë familjet po konsiderohet problematike. Kështu u tha në takimin e Kolegjiumit për Arsim të organizuar nga Asociacioni i Komunave të Kosovës.

Pa librari është edhe Komuna e Klinës.

Drejtori i Drejtorisë Komunale të Arsimit në Klinë, Qemajl Sejdiu tha se do të jetë vështirë që nxënësit e kësaj komune të pajisen me libra shkollorë, pasi nuk posedojnë një librari në qytetin e tyre, derisa thotë se ky vendim i MASHT-it është bërë i ditur me vonesë.

-Advertisement-

Edhe drejtori i Arsimit në Kaçanik, Zahir Doda u shpreh se e sheh si të vështirë procesin e pajisjes me libra shkollorë nga vetë prindërit, pasi tregoi se as në Kaçanik nuk ka librari.

Ndërkaq, drejtori i Drejtorisë Komunale të Arsimit në Podujevë, Avni Fetahu e lëshoi mbledhjen, pasi çështjen e librave shkollore e cilësoi si të politizuar, derisa shtoi se vendimet po ndikohen nga politika, dhe si të tilla po deklarohen.

Subscribe në YouTube: GAZETA INFOKUSI
Etiketa:
Super Zbritje në Artmotion
-Advertisement-

Të tjera

Fokusi

lajme