ShSKUK pa drejtor që 6 muaj, me u.d janë edhe dy klinika dhe spitali i Ferizajt

Autori: Gazeta inFokus
18:04 | 15 February 2023
Që nga 2 gushti i vitit të kaluar, ShSKUK, është duke funksionuar me ushtrues të detyrë së drejtorit të përgjithshëm. Përveç tij, me u.d janë edhe klinika e Onkologjisë, Spitali i Ferizajt dhe Shërbimi Klinik i Kardiologjisë.
Në 6 muajt e fundit, Shërbimi Spitalor, Klinik dhe Universitar i Kosovës, është udhëhequr nga 2 ushtrues të detyrës. Pas dorëheqjes së Valbon Krasniqit, ushtruese e detyrës u zgjodh Pranvera Zejnullahu- Raçi, e cila dha dorëheqje më 16 janar, për t’u zëvendësuar nga Narqize Arenliu-Hoxhaj. Se kur do të hapet konkurs për drejtorin e përgjithshëm të ShSKUK-së, ende nuk është dhënë ndonjë datë e saktë.
Ministri i Shëndetësisë, Arben Vitia, më 2 shkurt tha se menjëherë pas nënshkrimit të statutit të ShSKUK-së, do të ketë konkurs për drejtor.
“Ajo çka kam lexuar nga dorëheqja e ish-ushtrueses së detyrës së drejtoreshës, Pranvera Raçi nuk koincidon me atë që thoni ju… Unë e kam falënderuar personalisht për kontributin dhe dinamikën që i ka shtuar ShSKUK-së… Ka qenë një dorëheqje, edhe pse kemi pasur një takim, të cilën e kam pranuar. Jemi në fazat finale, statuti i ShSKUK-së është në fazat finale teknike për të ecur tutje, me organogram të ri… Menjëherë pas nënshkrimit të këtij statuti do të ketë konkurs për drejtor të ShSKUK-së”, tha Vitia në konferencën për media pas vizitës në Ferizaj.
Me ushtrues të detyrës është Klinika e Onkologjisë, pasi ushtruesi i drejtorit të kësaj klinike, Arben Bislimi, dha dorëheqje më 25 janar. Mirëpo për të parin e Onkologjisë, tashmë është publikuar konkursi.
Ndërsa, në të njëjtën gjendje, në aspektin menaxherial, ndodhen edhe Spitali i Ferizajt dhe Shërbimi Klinik i Kardiologjisë. ShSKUK, në një përgjigje për Express, thotë se për këto pozita pritet të shpallen konkurset.
Sipas ShSKUK-së, konkurs pritet të shpallet edhe për pranimin e mjekëve specialistë të profileve të ndryshme.
“Shumica e drejtorëve të klinikave dhe spitaleve të përgjithshme janë zgjedhur përmes konkurseve publike. Aktualisht, kemi u.d. drejtor në Klinikën e Onkologjisë, konkursi është publikuar. Po ashtu, kemi u.d. drejtor në Spitalin e Ferizajt dhe Shërbimin Klinik të Kardiokirurgjisë, presim që së shpejti të procesohet konkursi edhe për këto institucione. Sa i përket stafit të mjekëve, jemi duke analizuar kërkesat nga të gjitha njësitë dhe konform buxhetit të lejuar, pritet të ketë edhe konkurse të tjera për pranim të mjekëve specialistë të profileve të ndryshme”, thuhet në përgjigjen e ShSKUK-së.

Të tjera
-
Deliu: Presim përgjigje nga Kushtetuesja për shkeljet e vazhdueshme të bëra nga Dehari
Deputetja e Partisë Demokratike të Kosovës, Blerta Deliu, është deklaruar par...
-
KGJK-ja obligohet t’ia paguajë 57 mijë euro dëmshpërblim Fatmir Limajt
Gjykata Themelore në Prishtinë e ka aprovuar pjesërisht padinë e Fatmir Limaj...
-
Qeveria në detyrë ndan 2 milionë euro në mbështetje të punësimit për komunitetet joshumicë
Qeveria në detyrë e Kosovës ka miratuar ndarjen e 2 milionë eurove nga Pakoja...
-
Dyshimet për vr*asjen e Agon Zejnullahut nga Policia, Kurti: Falë incizimeve u kuptua çfarë ka ndodhur, s’ka strehë në institucione për shkelësit e ligjit
Kryeministri në detyrë, Albin Kurti, në hapje të mbledhjes së Qeverisë ka shp...
-
Kurti nga mbledhja e qeverisë: Vdekja e Agon Zejnullahut na ka tronditur, kërkoj hetim të thellë dhe të shpejtë
Kryeministri në detyrë, Albin Kurti, ka reaguar lidhur me rastin e vdekjes së...
-
Gjyqtarja nuk e lë të marrë pjesë avokatin e familjes së Agon Zejnullahut në seancën ndaj 5 policëve
Asdren Hoxha, avokati i familjes së Agon Zejnullahut, ka deklaruar se nuk ësh...
-
Mbërrijnë në gjykatë policët që dyshohet se e vranë 27-vjeçarin Agon Zejnullahu
Një rreshter dhe katër zyrtarë policorë, të dyshuar për vrasjen e 27-vjeçarit...
-
Bisedimet për armëpushim në Gaza, Trump dhe Netanyahu takohen për herë të dytë
Presidenti i SHBA-së, Donald Trump, dhe kryeministri izraelit, Benjamin Netan...
-
I publikoi në rrjete sociale, policia në Lipjan konfiskon dy pistoleta dhe 17 fishekë
Njësitet policore në Lipjan kanë ndërhyrë dhe kanë konfiskuar armë zjarri pas...
-
Kërc*ënohet një polic në Lipjan: Iu publikuan foto dhe mesazhe në rrjete sociale
Një zyrtar i Policisë së Kosovës në Lipjan është bërë objekt i kanosjes përme...
-
Pamjet e fundit: Polici ia mbajti gjurin në qafë për afro 50 sekonda Agon Zejnullahut
Pamjet e fundit të publikuara nga një faqe “Rrjeti” dëshmojnë momentet kritik...
-
Sot nis Kampionati Evropian i ESports, Kosova nikoqire
Për herë të parë në histori, Kosova do të jetë nikoqire e Kampionatit Evropia...