Kryeministri në detyrë Ramush Haradinaj ka publikuar disa fotografi nga shënimi i një vjetorit së krijimit të Forcave të Sigurisë së Kosovës.

Ai ka thënë se ditëlindja e parë si ushtri e rregullt është nderi i këtij populli dhe këtij atdheu, shkruan gazeta inFokus.

“Ditëlindja e parë si ushtri e rregullt është nderi i këtij populli dhe këtij Atdheu. Para një viti, kur miratuam tre ligjet për ushtrinë e Kosovës, kam deklaruar se ne po vijmë në paqe dhe vërtetë sot rresht yni i paqes, të cilin populli i Kosovës e ka nxjerrë nga palca e vet kurrizore, po përmbushë detyrimet kushtetuese në mbrojtje të sovranitetit e integritetit territorial dhe është gati të shërbejë kudo në botë”, shkruan ai.

Gjithashtu Haradinaj ka thënë se ndihemi krenar sot kur ushtria jonë është vlerë e shtuar e sigurisë në botë.

“Krenar sot kur ushtria jonë është vlerë e shtuar e sigurisë në botë, me synimin që të jetë pjesë integrale e NATO-s, që me Kosovën në rreshtin e saj – si NJËSI E RRITUR – të jetë e gatshme të mbrojë lirinë, demokracinë dhe dinjitetin e njeriut. Urime Dita jote ushtri! Urime rrita jote Kosovë”, shkruan kryeministri në detyrë në facebook./Gazeta inFokus/