Lajme

Shqipëria krijon komision për hetimin e raportit të Dick Martyt

Autori: Gazeta inFokus 14:30 | 03 December 2020

Kuvendi i Shqipërisë i ka dhënë dritën e gjelbër formimit të Komisionit që do të hetojë raportin e Dick Martyt. Pro formimit të këtij komisioni kanë votuar 85 deputetë, derisa 12 të tjerë kanë qenë kundër dhe 4 kanë abstenuar, raporton Express.

Komisioni do të drejtohet nga deputeti Ulsi Manja.

Nga mazhoranca anëtarë do të jenë Ulsi Manja, Alket Hyseni, Klotilda Bushka, Adnor Shameti dhe Ermonela Felaj.

-Advertisement-

Nga opozita parlamentare anëtarë janë Myslim Murrizi, Edmond Stojku dhe Enver Roshi. Pjesë e komisionit do jetë edhe deputetja Elena Xhina.

Komisioni i Posaçëm Parlamentar do të hetojë raportin e Dick Marty, në të cilin pretendohet se gjatë luftës së UÇK-së janë kryer krime kundër njerëzimit.

Në raport, Dick Marty përmend të ashtuquajturën “Shtëpinë e Verdhë” në qarkun e Matit, e cila sipas tij është përdorur për të kryer transplantim organesh.

Propozimi për ngritjen e këtij komisioni erdhi disa javë pas konfirmimit të aktakuzave nga Gjykata Speciale për krerët e Ushtrisë Çlirimtare të Kosovës.

Subscribe në YouTube: GAZETA INFOKUSI

Të tjera

Fokusi

lajme