Shqetësime mbi lirinë e medias në Kosovë
Autori: Gazeta inFokus 20:46 | 16 November 2022
Një delegacion faktmbledhës i Platformës Evropiane për Sigurinë e Gazetarëve tha të mërkurën në Prishtinë se përparimi i arritur viteve të fundit në Kosovë në fushën e lirisë së shtypit është vënë në rrezik nga retorika nxitëse, fushatat njollosëse kundër medias dhe mungesa e transparencës nga institucionet.
Flutura Kusari nga Qendra Evropiane për Liri të Medias, tha se mungesa e sigurisë së gazetarëve dhe mosndëshkimi i autorëve të sulmeve ndaj tyre, mbeten sfidë për lirinë e shtypit në Kosovë.
“Ndonëse kërcënimet fizike janë të rralla, ka kërcënime serioze të cilat janë dokumentuar nga Asociacioni i Gazetarëve të Kosovës. Proceset gjyqësore në rastet civile dhe penale të cilat përfshijnë gazetarët vazhdojnë të jenë të ngadalta dhe gazetarët kanë thënë se kanë shqetësime lidhur me mungesën e hetimeve për sulmet ndaj tyre”, tha ajo.
Ricardo Gutierrez, nga Federata e Gazetarëve të Evropës tha se pandëshkueshmëria nxit kryesit e krimeve ndaj gazetarëve.
“Kemi 40 raste të pandëshkuara për vrasjen apo zhdukjen e gazetarëve në Evropë dhe 14 prej tyre janë në Kosovë. Ky është një problem që ne vazhdimisht e kemi theksuar në takimet tona me autoritetet në Kosovë, duke u bërë thirrje atyre që të promovojnë edhe bashkëpunimin ndërkombëtar në ndjekje të autorëve të këtyre krimeve”, tha ai.
Përfaqësues të shoqatave të gazetarëve, pjesë e Platformës Evropiane për Sigurinë e Gazetarëve, vunë theksin te pengesat në punën e përditshme të gazetarëve si qasja në dokumente zyrtare.
“Përgjatë misionit tonë ne kemi kuptuar nga bisedat që kishim me gazetarë e redaktorë se dukuria e mungesës së transparencës është intensifikuar dhe është duke u përshkallëzuar. Disa gazetarë i përshkruajnë madje institucionet publike si të mbyllura kundrejt mediave dhe kjo sipas tyre po krijon një mjedis shumë të përqarë në skenën mediatike në Kosovë. Mendoj se është me rëndësi të jemi të vëmendshëm ndaj situate që shënon kthim prapa dhe ajo duhet të rregullohet nga qeveria e cila duhet të rivendosë standardin e transparencës duke përfshirë të drejtën për t’u informuar, dhe për të pasur qasje në të gjitha të dhënat e institucioneve publike”, tha Roberta Taveri, nga organizata ARTICLE 19.
Sipas të dhënave nga Agjencia për Informim dhe Privatësi, që nga muaji shtator i vitit të kaluar e deri në shtator të këtij viti, në Kosovë janë paraqitur 101 ankesa për shkak të pamundësimit të qasjes në dokumente zyrtare në departamente të ndryshme të qeverisë së vendit.
Kosova renditet në vendin 61 nga 180 vende në Indeksin e Lirisë së Shtypit në Botë, ndërsa nga gjashtë vendet e Ballkanit Perëndimor, Kosova ka vendin e dytë./VOA
Të tjera
-
Eurodeputeti austriak: Vetëm me ndryshimin e rrethanave politike në BE është i mundur një kompromis për Kosovën
Shefi i delegacionit të Partisë së Lirisë së Austrisë (FPO) në Parlamentin Ev...
-
Vera merr fund përfundimisht, ulje drastike e temperaturave dhe përmbytje, borë në zonat malore
Pas temperaturave jashtëzakonisht të larta që kanë mbretëruar pothuajse gjatë...
-
A do të kandidojë përsëri për Presidente dhe a do të vazhdojë në politikë, Osmani çon mesazh: Nuk më heqin qafe lehtë
Presidentja e Kosovës, Vjosa Osmani, në një intervistë për “Kallxo Përnime”, ...
-
Osmani e konfirmon që s’e deshti afër Martin Berishajn gjatë vizitës në Kroaci: Ashtu kam vendosur
Presidentja e Kosovës, Vjosa Osmani, në gusht ishte në një vizitë zyrtare në ...
-
Vendimi për Calin, Specialja caktoi gjyqtarët por jo edhe seancën
Para një muaji Gjykata Supreme e Dhomave të Specializuara të Kosovës ia anulo...
-
Dështimi për anëtarësim në Këshill të Europës, kush prishi punë sipas presidentes, Kurti apo Gërvalla?
Presidentja e Kosovës, Vjosa Osmani, ka folur lidhur me moskoordinimin për le...
-
Osmani thotë se Shefi i CIA’s ka pasur vetëm një kërkesë – “S’është e jashtëzakonshme, por s’mund ta bëjë publike”
Një kërkesë nga Shtetet e Bashkuara të Amerikës është paraqitur për Kosovën n...
-
Osmani: Zgjedhjet dhe referendumi i Serbisë u ndalën në zyrën time
Presidentja e Kosovës, Vjosa Osmani, ka thënë se ajo ka qëndruar në të gjitha...
-
Ende pa datë takimi mes Kosovës dhe Serbisë
Ndonëse nuk është bërë e ditur data e takimit të ardhshëm mes Kosovës e Serbi...
-
Abdixhiku e mbështet Zhegrovën, pas përjashtimit, e quan aset kombëtar
Kryetari i Lidhjes Demokratike të Kosovës, Lumir Abdixhiku, ka reaguar pas pë...
-
Osmani flet për masat e BE-së ndaj Kosovës: Javëve të fundit disa shtete kanë kërkuar të mbeten masat
Presidentja e Kosovës, Vjosa Osmani, deklaroi se javëve të fundit janë njoftu...
-
Ben-Meir: Njohja e Kosovës nga Serbia do të përshpejtohet sapo të largohet Putini
Alon Ben-Meir, profesor amerikan në pension dhe ekspert i politikës ballkanik...