Lajme

Shpërthimi i zjarrit në Kazermën e FSK’së në Istog, Ministria e Mbrojtjes jep detaje

Autori: Gazeta inFokus 19:03 | 26 January 2023

Ministria e Mbrojtjes ka dhënë detaje për zjarrin e sotëm që ka kapluar njërin nga objektet në Kazermën e FSK-së në Istog.

Në njoftimin e lëshuar thuhet se shkaku dhe pasojat e zjarrit janë duke u hetuar nga autoritetet përgjegjëse për menaxhimin e sigurisë së FSK-së, por dyshohet të kenë qenë si pasojë e instalimit të vjetruar të energjisë elektrike.

“Ju njoftojmë se menjëherë në vendngjarje kanë intervenuar pjesëtarët e Regjimentit të dytë të Këmbësorisë dhe personeli përkatës i Komandës së Forcave Tokësore, të cilët të mbështetur nga Njësia e Zjarrfikësve të Istogut, Klinës, Pejës dhe Skenderajt kanë arritur të lokalizojnë zjarrin duke e kufizuar vetëm brenda perimetrit të këtij objekti montazh, kësisoj duke mënjanuar mundësinë e përhapjes në objektet e tjera përreth”.

-Advertisement-

“Paraprakisht, nga vendngjarja është evakuuar me kohë personeli. Tani zjarri është shuar tërësisht dhe ekipet e specializuara të FSK-së janë duke punuar për sanimin e gjendjes dhe eliminimin e dëmeve tjera kolaterale”, thuhet në njoftim.

Njoftimi i plotë:

Subscribe në YouTube: GAZETA INFOKUSI
FIFA Club World Cup ekskluzivisht vjen për herë të parë në Artmotion
-Advertisement-

Të tjera

Fokusi

lajme