Lajme

Shpërthen ish-deputeti i LSI-së: Meta donte rrëzimin e qeverisë për interesa personale

Autori: Gazeta inFokus 12:10 | 09 Qershor 2017

Ish-deputeti i LSI-së, Shkëlqim Selami ka dalë kundër ish-kryetarit të LSI dhe presidentit të ri Ilir Meta si dhe LSI-së.

Me anë të një statusi në Facebook, Selami bën thirrje që më 25 qershor shqiptarët të votojnë për Edi Ramën dhe Partinë Socialiste.

“Ndihem krenar që unë dhe disa deputetë të LSI-së nuk u bëmë pjesë e pazareve për rrëzimin e qeverisë dhe çuarjen e vendit në kolaps për interesat personal të Metës”, – shkruan ndër të tjera, Selami.

-Advertisement-

Shkëlqim Selami shkon më tej me akuzat e tij, teksa pohon se Ilir Meta kërkonte rrëzimin e qeverisë për interesa personale.

Ja statusi i plotë

Te dashur miq

Marrë shkas nga intervista e Z.Meta në “Opinion” sot të sqaroj diçka.

Nuk kam dashur kurrë të merrem me mediat, aq më tepër me njerëz si Meta edhe pse u përpoqën shumë të hedhin baltë mbi mua.

Më në fund e pranoi vetë dhe më vjen mirë që heqja e mandatit tim është thjesht për inat të kryetarit, pasi kërkonte rrëzimin e qeverisë për interesa personale.

Ndihem krenar që unë dhe disa deputet të LSI nuk u bëmë pjesë e pazareve për rrëzimin e qeverisë dhe çuarjen e vendit në kolaps për interesat personal të Z.Meta.

Vetë kryetari i KQZ e pranoi në komisionin e ligjeve dhe në media se mandatin tim e hoqi pas asnjë provë, por sipas kërkesës së Metës.

Z.Meta ti më shumë se kushdo tjetër e di mirë se nuk kam qenë dhe nuk bëhem kurrë prona e askujt.

Karakterin tim nuk e ndryshon kurrë as karrigia, as paraja.

Në fund dua t’i bëjë thirrje të gjithë atyre që kanë besuar dhe besojnë te puna dhe ndershmëria ime të bëhemi bashkë dhe të votojmë Nr 2 më 25 qershor. Të votojmë si Vlorë, Edi Ramën, njeriun e punës njeriun që do të bëj shtet!

Njeriun që ka dash të bëjë shumë më shumë, por nuk e ka lënë miku që sot e demonstroi me qetësinë e tij live me zë dhe figurë.

Fitore PS. /albeu.com/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy