Lajme

Shpërthen bidoni me benzinë në Himarë, lëndohen katër pushues nga Kosova dhe drejtuesi i skafit

Autori: Gazeta inFokus 20:58 | 15 August 2023

Pas shpërthimit të një bidoni me 28 litra benzinë, pesë persona kanë mbetur të lënduar, 4 prej tyre pushues nga Kosova.

Fatmirësisht ata janë jashtë rrezikut për jetën.

Ngjarja ka ndodhur në zonën e Drimadhës, në Himarë rreth orës 17:30. Mjeti lundrues i cili është në pronësi të një kompanie tursitike sapo kishte dalë në det nga korridori ujor i miratuar, kur ndodhi shpërthimi i bidonit me benzinë i cili mendohet ketë ardhur si pasojë e vakumit dhe nxehtësisë.

-Advertisement-

“Rreth orës 17:30, në zonën e Drimadhës, Himarë, në një mjet lundrues skaf në pronësi të një kompanie turistike, që sapo kishte dalë në det nga korridori ujor i miratuar, dyshohet se si pasojë e vakumit dhe nxehtësisë, ka shpërthyer një bidon me 28 litra benzinë.

Nga sprucimi i benzinës kanë pësuar djegie të lehta shtetasit A. K., 24 vjeç, A. H., 24 vjeç, L. S. 24 vjeç dhe M. K., 21 vjeçe, të katërt nga Kosova, si dhe drejtuesi i skafit, shtetasi N. L., 32 vjeç, banues në Vlorë.

Të pestë këta shtetas kanë marrë ndihmën e parë mjekësore dhe më pas janë larguar pasi dëmtimet ishin të lehta.

Në vendngjarje ka shkuar grupi hetimor dhe në drejtimin e Prokurorisë vijon punën për dokumentimin e plotë ligjor të shkakut të përfshirjes nga zjarri, të mjetit turistik”, thuhet në njoftim.

Subscribe në YouTube: GAZETA INFOKUSI