Shpend Ahmeti tregon 3 kushtet e Mogherinit për dialogun
Autori: Gazeta inFokus 20:14 | 12 January 2019
Kryetari i PSD’së dhe negociatori kosovar Shpend Ahmeti, në një përgjigje për Metron, ka folur për takimin e fundit dhe 3 çështjet që në një mënyrë kushtëzohet Kosova nga Kryediplomatija Frederica Mogherini, transmeton Gazeta inFokus.
Janë tri çështje apo kushte që i ka ngirtur Kryediplomatja e Bashkimit Europian (BE), Frederica Mogherini, për të vazhduar procesi i bisedimeve me Serbinë.
Heqja e taksës 100% ndaj produkteve të Serbisë nga ana e Qeverisë së Kosovës,Në gjysmën e parë të këtij viti të përfundohet dialogu me ritëm të përshpejtuar.
Marrëveshja duhet t’i përcaktojë vlerat dhe standardet evropiane dhe nuk parasheh ndarje në vija etnike.
1. Për të parën Shpend Ahmeti ka thënë se taksa është vendim i Qeverisë së Kosovës e vënë për shkak të sulmeve të Serbisë ndaj shtetit të Kosovës. Ai mendon që Kosova duhet të përgjigjet kur sulmohet dhe se kjo është ushtrim dhe konfirmim i subjektivitetit të Kosovës.
”Taksa është vendim i Qeverisë se Republikës së Kosovës. Ajo është adresa e saktë për taksën e cila është ndërmarrë pas një politike agresive të Serbisë karshi Republikës së Kosovës. Personalisht mendoj se Kosova duhet të përgjigjet atëherë kur sulmohet, ky është konfirmim dhe ushtrim i subjektivitetit shtetëror. Por, delegacioni shtetëror nuk ka mandat për vendimet qeveritare”, ka thënë Ahmeti, përcjell inFokus.
Por, ai tha se e kane obligim konsultimin dhe përgatitjen e strategjisë për dialogun dhe se Serbia ka vënë kusht heqjen e taksës për vazhdimin e dialogut. Ahmeti tha se mendon që nuk janë pjekur kushtet për heqjen apo pezullimin e taksës. Ai shtoi se fokusi i tyre është funksionalizimi i delegacionit e pastaj mund të flasin me Serbinë për çdo temë veç e veç, duke përfshirë edhe tregtinë.
”Megjithatë, ne e kemi obligim konsultimin dhe përgatitjen e strategjisë për dialogun. Serbia e ka vërë kusht heqjen e taksës për ta vazhduar dialogun. Ne mendojmë se nuk janë përmbushur kushtet për heqjen, apo suspendimin e përkohshëm të taksës. Delegacioni shtetëror do të konsultohet me qeverinë, por fokusi jonë si delegacion shtetëror është njëherësh në funksionalizimin e plotë të delegacionit shtetëror dhe të komisioneve. Pastaj edhe mund të flasim për cdo temë veç e veç, përfshirë edhe tregtinë me Serbinë”, tha Ahmeti.
2. Ndërsa, në lidhje me dinamikë të shpejtë, 6 mujore që e ka theksuar Mogherini, negociatori Ahmeti e sheh pak më ndryshe, për të përfunduar bisedimet si duhet.
”Jemi duke punuar intensivisht si delegacion shtetëror i Republikës së Kosovës. Së shpejti do ta kemi edhe platformën, si dhe Ligjin për dialogun. Besojmë që Kosovës i duhet sa më shpejt një marrëveshje që i ndan një herë e mirë të gjitha çështjet e hapura me Serbinë”, ka thënë Ahmeti.
3. Për sa i përket asaj se çka duhet të nxjerr marrëveshja, ai tha se duhet të përcaktojë vlerat dhe standardet evropiane dhe se nuk parasheh ndarje në vija etnike e as autonomi etniko-territoriale, duke shtuar se kjo është e përcaktuar edhe në rezolutën e delegacionit shtetëror. Ai tha se procesi i dialogut duhet të jetë i pranueshëm vetëm nëse përfundon me njohjen reciproke mes dy vendeve dhe me zotim të përshpejtimit të verifikueshëm të procesit të anëtarësimit, përçon më pas në OKB dhe BE. Ndarjanë vija etnike, gjithashtu nuk është vijë e kuqe ndaj korrigjimit, apo definimit të kufirit.
”Marrëveshja duhet t’i përcaktojë vlerat dhe standardet evropiane dhe nuk parasheh ndarje në vija etnike Qëndrimi i delegacionit shtetëror gjendet tek Rezoluta e miratuar. Aty është e përjashtuar edhe ndarja e vendit, por edhe autonomia etniko- territoriale. Rezoluta e Partisë Socialdemokrate dhe Nismës Socialdemokrate që është votuar nga Kuvendi i Republikës së Kosovës përcakton qartë parimet marrëveshjes së qëndrueshme dhe gjithëpërfshirëse. Procesi i Dialogut dhe i bisedimeve kuptohet mënyrë efikase dhe e vetme për arritje të marrëveshjeve të qëndrueshme, gjithëpërfshirëse, ndërkombëtarisht të pranueshme dhe ligjërisht të obligueshme mes dy shteteve fqinje: Republikës së Kosovës dhe Republikës së Serbisë” ka thënë Ahmeti.
Sipas tij, për Kuvendin e Kosovës dhe qytetarët, një marrëveshje midis Kosovës dhe Serbisë do të ishte e praueshme dhe do të siguronte përkrahjen e gjërë, vetëm nëse do të sillte njohjen nga shteti serb, dhe do të përfudnontye njëherë e përgjithmonë konfliktin midis dy vendeve.
Të tjera
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...