Lajme

Shpallen zgjedhjet e brendshme në VetëVendosje

Autori: Gazeta inFokus 12:46 | 15 August 2022

Lëvizja Vetëvendosje i ka shpallur zgjedhjet e brendshme për kandidatët për pozicionet drejtuese.

“Pas përfundimit të procesit zgjedhor në nivelin e parë organizativ, në Pika, ku janë zgjedhur strukturat drejtuese të shtrira në lagje e fshatra, në kuadër të zgjedhjeve të brendshme dhe në përputhje me Statutin dhe Rregulloren e Zgjedhjeve të Brendshme, Lëvizja VETËVENDOSJE!, nga sot, shpallë zgjedhjet e brendshme për nivelin e dytë dhe të tretë organizativ”, thuhet në kumtesë.

Ky subjekt politik ka shtuar se niveli i tretë i zgjedhjeve është – Kryetar/e të Lëvizjes VETËVENDOSJE, Kryetare të GVV. Kryetar/e të RVV.

-Advertisement-

Ndërsa, niveli i dytë, Kryetar/e Qendre, Kryetare të GVV në Qendës, Kryetar/e të RVV në Qendër.

“Komisioni Zgjedhor i Ad-hoc i Qendrës (KZAQ) njofton të gjithë aktivistët e Lëvizjes VETËVENDOSJE!, Qendra … të cilët janë të interesuar për të kandiduar për pozicionet e lartëcekura, që të paraqesin deklaratën e kandidaturës nga sot, 15 gusht deri më 23 gusht 2022”, vazhdon kumtesa.

“Kandidatët e interesuar për të kandiduar, deklaratën e kandidaturës për të gjitha pozitat dhe nivelet mund ta marrin në zyrën e qendrës dhe të njëjtën ta dorëzojnë te Komisioni Zgjedhor i Ad-hoc i Qendrës (KZAQ), ashtu siç është e paraparë me Statutin dhe Rregulloren e Zgjedhjeve të Brendshme të Lëvizjes VETËVENDOSJE”, thuhet në njoftim.

Subscribe në YouTube: GAZETA INFOKUSI