Lajme

Shoshi lëshon disa akuza: Kurti e ka përjashtuar Gërvallën nga kabineti

Autori: Gazeta inFokus 10:27 | 29 Mars 2023

Deputetja e PDK-së, Ariana Musliu-Shoshi ka pyetur publikun se a ka Kosova ministri të Punëve të Jashtme.

Sipas saj,ministria e udhëhequr prej ministres Donika Gërvalla është kapur dhe po ngulfatet nga katër-pesë persona, “ish zyrtarë të Ministrisë së Diasporës, të cilët veç me politikë të jashtme nuk kanë asnjë lidhje”.

Madje, Shoshi pretendoi se “”Donika Gërvalla është në gjumë e siç duket edhe Albini e ka përjashtu nga kabineti”.

-Advertisement-

Ajo u shpreh se në një kohë të rëndësishme për Kosovën, pesë shtetet mos-njohëse të BE-së ndaj Kosovës, po deklarohen se qëndrimi i tyre ndaj vendit tonë ka mbetur i njëjti.

Ligjvënësja opozitare theksoi se anëtarësimi nëpër organizata të ndryshme ndërkombëtare mbetet vetëm një iluzion, kurse shtoi se ambasadat tona kanë mbetur gjysmë të zbrazura.

“Në një periudhë mjaft të rëndësishme për Republikën tonë, kur nevojitet punë e madhe siç është lobimi për njohje nga 5 shtetet e BE-së, anëtarësim në organizata ndërkombëtare, përforcim i ambasadave tona me staf diplomatik e direktiva të qarta nga qendra, ne kemi këtë gjendje faktike: – Shtete jo njohëse njëra pas tjetrës po deklarohen se qendrimi i tyre ndaj Kosovës ka mbetur po i njëjti. – Antarësimi në organizata ndërkombëtare mbetet vetëm një iluzion. – Ambasadat tona kanë mbetur gjysëm të zbrazura. Edhe ata që kanë marrë „bekimin“ e Donikës janë disa që më mirë t‘i kishte mbajtur në Prishtinë”, shkroi ajo në Facebook.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy