Lajme

Shoferi i vetaksidentuar me ‘Golf 2’ në Ferizaj e pëson keq nga Policia, ja me sa qindra euro është gjobitur

Autori: Gazeta inFokus 13:59 | 25 January 2022

Sot, në mëngjes policia rajonale e Ferizajt ka pranuar një informacion se në rrugën ‘’Tahir Sinani ‘’ në Ferizaj ka ndodhur një aksident komunikacioni e përfshirë një automjet civil i udhëtarëve VW Golf me targa vendore.

Policia ka bërë të ditur se Njësia Rajonale e Komunikacionit Rrugor i ka marr veprimet e nevojshme për ta hetuar këtë aksident.

“Deri te aksidenti dyshohet të ketë ardhur kur, automjeti VË Golf ka lëvizur nga rruga ‘’Dëshmorët e Kombit ‘’ në drejtim rrugës ‘’Tahir Sinani ‘’, duke mos përshtatur shpejtësinë e lëvizjes së automjetit dhe kushtet e rrugës me ngrica, nuk mund të ndalon, del jashtë rrugës dhe përfundon në hekurudhë, ku veç dëmeve të shkaktuara materiale lëndime trupore pëson shoferi i automjetit me inicialet R.H ( M/K) i moshës 21 vjeçar i cili ka pranuar ndihmë mjekësore në Qendrën Emergjente në Ferizaj”, thuhet në komunikatë.

-Advertisement-

Në lidhje me këtë, policia ndaj shoferit R.H ka iniciuar fletëparaqitjen për aksidentin e shkaktuar sipas ligjit të komunikacionit rrugor nga neni 255.2 dhe 53.4 prej 250 euro.

Ndërsa në anën tjetër ka iniciuar edhe një fletëparaqitje ndaj personit që i është besuar të mirëmbanë rrugët nga kompania përkatëse, me inicialet P.B (M/K) 40 vjeçar sipas ligjit të komunikacionit rrugor, nga neni 202.2 prej 200 euro.

Me këtë rast, Drejtoria Rajonale e Policisë në Ferizaj, apelon tek shoferët e automjeteve që të respektojnë shpejtësinë e kufizuar të lëvizjes dhe të përshtatin shpejtësinë në raport me kushtet e rrugës, me qëllim parandalimin e aksidenteve.

“Veprimet e tilla rrezikojnë direkt jetën e pjesëmarrësve në komunikacion”, thuhet në komunikatë.

 

Subscribe në YouTube: GAZETA INFOKUSI
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera

Fokusi

lajme