Shkencëtarët dyshojnë në vaksinën kundër koronavirusit të Rusisë
Autori: Gazeta inFokus 19:31 | 11 August 2020
Rusia të martën u bë shteti i parë që aprovoi një vaksinë kundër koronavirusit, një zhvillim që u prit me skepticizëm ndërkombëtar dhe brengosje pasi ajo ishte provuar vetëm në disa njerëz. Kjo nuk është hera e parë që Rusia pretendon se ka ‘vaksinën më efektive në botë’ për një sëmundje, njëjtë kishin thënë për vaksinën kundër Ebola që ende mbetet në statusin e kandidatit, transmeton Gazeta Metro.
Presidenti i Rusisë, Vladimir Putin, njoftoi se njëra prej vajzave të tij ishte vaksinuar dhe se ishte dëshmuar se kishte imunitet të qëndrueshëm ndaj koronavirusit, megjithëse autoritetet ruse nuk kanë ofruar dëshmi të efektivitetit dhe sigurisë.
Megjithatë, shkencëtarët në Rusi dhe shtete tjera ngritën alarmin, që thonë se nxitimi për ofrimin e vaksinës para fazës së fundit të testimit mund të dështoj. Ajo që quhet Faza e 3 e provave – që përfshin dhjetëra mijëra njerëz dhe zgjatë me muaj – është e vetmja mënyrë për të dëshmuar nëse një vaksinë eksperimentale është e sigurt dhe funksionon me të vërtetë.
Në krahasim, vaksinat që hyjnë në fazën finale në SHBA u nevojiten studim prej 30 njerëzish njëkohësisht. Dy kandidatë të vaksinave tani më kanë filluar këto prova masive, me tre të tjera që priten në vjeshtë.
“Miratimi i përshpejtuar nuk do ta bëjnë Rusinë lider në garë, vetëm do të ekspozoj konsumatorët e vaksinës ndaj rrezikut të panevojshëm” ka shkruar shoqata ruse e organizimit të provave klinike, që kërkonin nga zyrtarët qeveritarë të shtyjnë aprovimin e vaksinës deri në përfundimin e provave të avancuara.
Për dallim nga vaksinat që po zhvillohen në Kinë nga CanSino Biologics dhe në Britani nga Universiteti i Oxford dhe AstraZeneca, shkencëtarët rus nuk kanë publikuar asnjë informacion se si vaksina kishte funksionuar në testet në kafshë dhe në studimet e para njerëzore.
Ministria e Shëndetësisë së Rusisë ka njoftuar se të mërkurën do të nisnin provat që përfshijnë “mijëra njerëz” në disa shtete, përfshi Emiratet e Bashkuara Arabe, Arabinë Saudite, Filipinet e ndoshta edhe në Brazil.
Por nuk ka asnjë dokumentacion se i është aprovuar leje për nisjen e këtyre provave. Ministria ruse nuk ju është përgjigjur kërkesave të agjencisë së lajmeve The Associated Press për koment.
Organizata Botërore e Shëndetësisë ka tërhequr vërejtjen se të gjithë kandidatët për vaksinë duhet të kalojnë fazat e testimit para se të dalin në treg. Ekspertët kanë paralajmëruar se vaksinat e tilla mund të shkaktojnë dëme anësore të shumta – nga rrezikimi i shëndetit, krijimi i ndjenjës false të sigurisë dhe ulja e besueshmërisë në vaksinim.
Të qenit të parët në botë të krijimit të vaksinës ishte shndërruar në çështje krenarie dhe prestigji kombëtar për Kremlin derisa po provon të paraqes Rusinë si fuqi globale. Putin në vazhdimësi krenohet me efektivitetin e reagimit të Rusisë ndaj epidemisë në adresimet e tij televizive, derisa zyrtarët më të lartë të shtetit rreth tij- përfshi kryeministrin dhe vet zëdhënësi i tij u infektuan.
Në mesin e dyshimeve muajin e kaluar ShBA, Mbretëria e Bashkuar dhe Kanadaja akuzuan Rusinë që ishte tentuar të vidhte me anë të sulmeve kibernetike hulumtimet e vaksinës nga laboratorët perëndimor. Rusia e ka mohuar këtë akuzë.
Rusia deri tani ka raportuar 897599 raste, si dhe 15131 të vdekur. Kishte dhe dyshim për manipulim të shifrave nga autoritetet ruse, që janë mohuar po ashtu.
Kjo nuk është rasti i parë kontrovers nga Rusia rreth vaksinimit. Putin ishte mburrur se shkencëtarët rus kishin shpikur një vaksinë kundër Ebola që ishte “dëshmuar të jetë më efektivja në botë” dhe “ kishte kontribuar në luftimin e etheve të Ebola në Afrikë”. Megjithatë, ka pak dëshmi se dy vaksinat për Ebola të miratuar në Rusi ishin përdorë në masë në Afrikë. Që nga 2019, të dy vaksinat janë të renditura ende nga OBSH si “vaksina kandidate”.
Të tjera
-
Sot mblidhet Kryesia e Kuvendit
Sot do të mbahet mbledhja e radhës e Kryesisë së Kuvendit. Në rend dite vo...
-
Haxhiu: Jemi gati për zgjedhje, edhe të dielën e ardhshme nëse dëshiron opozita
Edhe Ministrja e Drejtësisë, Albulena Haxhiu ka sfiduar opozitën, duke thënë ...
-
Vazhdojnë kërkimet për gjetjen e një personi të zhdukur në Leposaviq
Shoqata e Kosovës për Kërkim dhe Shpëtim ka bërë të ditur se po vazhdojnë kër...
-
Po shkonin në një konferencë që mbahej për Pashkët, autobusi bie nga shkëmbi, vdesin 45 pasagjerët! Shpëton mrekullisht vajza tetë vjeçare
Dhjetra besimtarë vdiqën pasi një autobus që shkonte për në një konferencë të...
-
Lumir Abdixhku kandidat i LDK-së për kryeministër
Lumir Abdixhku kandidat i LDK-së për kryeministër Kryetarja e Forumit të G...
-
Abazoviq: Vota kundër Kosovës e Malit tw Zi tregon realitet të ri
Ish-kryeministri i Malit të Zi, Dritan Abazoviq ka thënë se vota kundër Kosov...
-
Osmani e Statovci ishin për iftar në mensën e studentëve
Presidentja e vendit, Vjosa Osmani, bashkë me deputeten e Listës Guxo, në gru...
-
Mbahet ankandi elektronik për projektin solar prej 100 MW
Ministria e Ekonomisë do të mbajë ankandin elektronik për projektin e parë so...
-
Sot mblidhen dy komisione të Kuvendit
Komisioni për Buxhet, Punë dhe Transfere, si dhe ai për Administratë Publike,...
-
Nënshkruhet sot marrëveshja Kosovë-Mali i Zi për IPA III
Zëvendëskryeministri Besnik Bislimi dhe ministrja për Çështje Evropiane të Ma...
-
Moti në Kosovë me diell
Për sot në Kosovë parashikohet të mbajë mot kryesisht me diell dhe i ngrohtë....
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...