Lajme

Shkaku i Coronavirusit, ekonomia në Kosovë pritet të ketë rënie nga -2 deri në -4 %

Autori: Gazeta inFokus 12:14 | 03 April 2020

Fehmi Mehmeti, guvernator i Bankës Qendrore në Kosovë, në një konference për media ka thënë se si pasojë e Coronavirusit do të ketë rënie në ekonomi.

Ai e pranoi se do të ketë edhe ulje të remitencave.

“Dëmtimi i ekonomisë ndikon në mirëqenien e qytetarëve. Pritet që të ketë rënie të fitimit. Mund të ketë edhe kriza të jashtme, pra nga të ardhurat nga remitencat. Pakoja e miratuar pritet të jetë një injeksion i nevojshëm për ekonominë, por jo e mjaftueshme”, u shpreh Mehmeti.

-Advertisement-

Tutje, guvernatori Mehmeti tregoi edhe për masat që i ka marrë institutcioni që ai udhëheq në ekonomi.

Ai ka siguruar qytetarët që bankat kanë mjaftë para të gatshme.

” Banka kane likuiditet dhe nuk do të kenë asnjë problem me paratë e gatshme. Paratë e gatshme janë dezinfektuar. Qytetaret të evitojnë blerjen me paratë e gatshme, ta shfrytëzojnë blerjen me kartelë. Kemi rritje të raportit te likuiditet. Njësoj e mirë gjendja është edhe me depozitat. Pezullimi i pagesave do të bëhet rast pas rasti. Në asnjë rast bankat nuk duhet të rrisin tarifat e tyre. Ekonomia në Kosovë do të ketë rënie nga -2 deri në minius -4%”, deklaroi Mehmeti.

Ai tha se ndaj çdo banke që nuk i respekton vendimet e BQK-së do të merren masat.

Subscribe në YouTube: GAZETA INFOKUSI

Të tjera

Fokusi

lajme