Fokus

Shifrat milionëshe – Sa euro shpenzon Kosova në duhan për një vit

Autori: Samire Jaha 11:12 | 22 Mars 2023

Gjithsej 4 milionë e 51 mijë kilogram duhan është importuar gjatë vitit që lamë pas në Kosovë, shkruan Gazeta Infokus.

Për blerjen e gjithë këtyre kilogramëve të duhanit, Kosova ka shpenzuar plotë 281 milionë e 651 mijë euro.

Kështu është bërë e ditur nga të dhënat që Gazeta Infokus i ka siguruar nga Dogana e Kosovës e ku kanë bërë të ditur se akciza për blerjen e këtyre kilogramëve të duhanit ka qenë 213 milionë euro.

-Advertisement-

Ndërsa një trend pothuajse ngjashëm po vazhdon edhe këtë vit. Në tre muajt e parë të vitit 2023 importi i duhanit ka kushtuar 47 milionë euro për blerjen e 645 mijë kilogramëve.

Ndryshe Ministri i Bujqësisë, Pylltarisë dhe Zhvillimit Rural, Faton Peci, të enjten e kaluar (16 mars) ka vendosur që të bëhet ashpërsimi i masave kundër pirjes së duhanit në vendet e mbyllura dhe publike.

Ai ka thënë se do të ketë zero tolerancë ndaj duhanit në ambiente të mbyllura dhe për personat që do ti shkelin rregullat do të përballën me gjobë.

“Ne vetëm po bëjmë detyrën tonë për të cilën jemi mandatuar. Ajo që po me bën të ndjehem krenar, është kultura e masave qytetare të cilët po e shprehin në respektim të vullnetshëm të ligjit. Ata të cilët në çfarëdo forme tentojnë ti shkelin rregullat, sigurisht që do të përballen me masën ndëshkimore qe e ka përcaktuar ligj”, ka thënë Peci.

Ndërkaq që nga vendosja e këtij vendimi e deri më sot janë shqiptuar gjithsej 150 gjoba.

Këtë për Infokus e ka konfirmuar zëdhënësi i Agjencisë së Ushqimit dhe Veterinës, Lamir Thaçi, i cili ka deklaruar se ka pasur ngritje të nivelit të respektimit të Ligjit për Kontrollin e Duhanit.

Kujtojmë që Ligji për Kontrollin e Duhanit parasheh se dënimi për shkelësin fizik ose qytetarin është 50 euro, për përgjegjësin e hapësirës 500 euro dhe personin juridik apo për subjektin afarist kjo vlerë arrin në 3 mijë euro./Gazeta Infokus/

AUV të enjten gjobiti 120 shkelës të Ligjit për Kontrollin e Duhanit, ndërkaq gjatë tërë vitit 2022 ishin shqiptuar vetëm 100

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy