Rozë

Shfaqet me fustan transparent në eventin e madh, Bebe Rexha zbulon pothuajse çdo gjë (FOTO)

Autori: Gazeta inFokus 09:44 | 01 September 2021

Prej disa ditësh këngëtarja e famshme, Bebe Rexha, ndodhet në Venecia të Italisë, pasi ishte e pranishme në shfaqjen e modës të “Dolce & Gabbana”.

Që ditën kur mbërriti në qytetin e bukur italian, artistja shqiptare mori gjithë vëmendjen me veshjet e saj. Ndërsa një ditë më parë, 32-vjeçarja kishte veshur një fustan me printe gjarpri, i cili kishte dekolte shumë të hapur.

Nga fustani dukej qartë që këngëtarja e famshme nuk kishte veshur reçipeta, si dhe kishte një të çarë në mes të këmbëve në pjesën e përparme. Ndërkohë në zonën e belit, ajo kishte një zemër të formuar me gurë në ngjyrë të kuqe.

Ndërsa flokët, Bebe kishte vendosur që kësaj radhe t’i mbante lëshuar, me onde natyrale dhe kishte bërë make up profesional, që i theksonte sytë.

Këngëtarja me famë botërore fillimisht pozoi para kamerave me duart në ijë, e më pas u kthye me kurriz për të treguar të pasmet e saj bombastike. Ajo kishte zgjedhur një palë taka të kuqe për t’i kombinuar edhe me ngjyrën e thonjve të saj, duke kompletuar kështu të gjithë pamjen.

Fustani i tregonte Bebes pothuajse çdo gjë, pasi ai ishte transparent, megjithatë, ajo nuk e kishte aspak problem dhe ecte me shumë vetëbesim në tapetin e kuq.

Të tjera