Lajme

Sherifi: Angazhimi im në Kuvend do të jetë në funksion të mbrojtjes se interesave të vendit

Autori: Gazeta inFokus 08:26 | 30 June 2017

Sekretari i Nismës për Kosovën, Bilall Sherifi, tashmë është konfirmuar si deputet i Kuvendit të Kosovës.

Sherifi në një postim në llogarinë e tij në ‘Facebook’, ka falënderuar qytetarët për mbështetjen e dhënë Nismës dhe atij në garën për deputet.

Ai i ka siguruar të gjithë votuesit dhe qytetarët se angazhimi i tij do të jetë në funksion të përfaqësimit dhe mbrojtjes me dinjitet të interesave të Kosovës dhe qytetarëve të saj.

-Advertisement-

“Për besimin e dhënë NISMA do t’ju jetë përjetësisht mirënjohëse”, ka shkruar Sherifi transmeton ‘Indeksonline’.

Tutje, ai ka thënë se Nisma për Kosovën në Kuvendin e Kosovës në këtë legjislaturë fillimisht do të përfaqësohet me gjashtë deputetë.

“Rezultatet zyrtare konfirmuan se angazhimi juaj i palodhshëm dhe kontributi i madh i juaj bëri të mundur që Nisma për Kosovën të jetë sërish forcë parlamentare”, ka shkruar ai./Indeksonline/

Subscribe në YouTube: GAZETA INFOKUSI