Shefi i Zyrës së BE-së firmos tri projekte me vlerë 11.8 milionë euro për Kosovën
Autori: Gazeta inFokus 14:09 | 15 January 2021
Shefi i Zyrës së BE-së në Kosovë, Tomash Sunjog, nënshkroi sot tri projekte me vlerë prej 11.8 milionë euro që sigurojnë mbrojtje sociale për grupet e cenueshme në Kosovë gjatë pandemisë së koronavirusit.
Bëhet e ditur se projektet do të sigurojnë mbështetje emergjente, mbrojtje sociale dhe rimëkëmbje të shpejtë socio-ekonomike për grupet më të cenueshme, veçanërisht për fëmijët dhe gratë.
Këto janë pjesë e një programi që si cak ka një popullatë prej 200,000 qytetarësh. Këtu përfshihet një skemë e ndihmës emergjente për adresimin e nevojave bazë të 8,000 familjeve që jetojnë në varfëri, duke përfshirë familje që u përkasin grupeve të pakicave ose që nuk janë të regjistruara zyrtarisht. Synimi është të përmirësohet qëndrueshmëria e politikave sociale që adresojnë pabarazitë dhe nxisin kohezionin social në planin afatmesëm dhe afatgjatë.
Sunjog theksoi se pandemia ka krijuar një ndjenjë izolimi mes individëve dhe e ka destabilizuar jetën shoqërore, duke shkaktuar shqetësime mendore dhe fizike si kurrë më parë.
“Prandaj, Zyra e BE-së në Kosovë është e kënaqur që po e lanson këtë program që do të kontribuojë në nxitjen e solidaritetit dhe kohezionit social në komunitetet tona të tronditura kaq thellë nga efekti dramatik i pandemisë dhe ndikimi i saj në jetën e njerëzve.”
Ai deklaroi poashtu se “tashmë, teksa vaksinat bëhen gradualisht të disponueshme, BE-ja po mobilizon të gjitha burimet e saj për të siguruar qasjen e partnerëve të Ballkanit Perëndimor në vaksinat COVID-19”.
Projektet do të zbatohen nga Programi për Zhvillimit i OKB-së (UNDP), Save the Children, dhe Organizata Ndërkombëtare për Migracionin (IOM). Së bashku me Maria Suokko, Përfaqësuese e Përhershme e UNDP-së për Kosovën, Ahmet Kryeziun, Drejtor i Save the Children për Kosovë, dhe Anna Rostocka, Shefe e Misionit të IOM-it në Kosovë, Ambasadori Szunyog i nënshkroi kontratat në prani të Mentor Morinës, Drejtor i Departamentit për Politika Sociale dhe Familjen në Ministrinë e Punës dhe Mirëqenies Sociale.
Programi do të zbatohet në koordinim me Ministrinë e Punës dhe Mirëqenies Sociale dhe Qendrat Komunale për Punë Sociale, si institucionet kryesore përgjegjëse për politikat sociale dhe ndarjen e skemave dhe shërbimeve të ndihmës. Ai do të mbështesë edhe organizatat jofitimprurëse që mbrojnë dhe ndihmojnë fëmijët, gratë dhe familjet e pafavorizuara, duke përfshirë edhe ato nga komunitetet pakicë dhe/ose të paregjistruara zyrtarisht në sistemin e mirëqenies sociale.
Të tjera
-
Kurti viziton nga afër fillimin e punimeve të projektit afër fshatit Gllarevë
Kryeministri i Republikës së Kosovës, Albin Kurti, do të vizitojë fillimin e ...
-
Maqedonci: Kemi informacione se Serbia sot do të testojë dronë kamikazë në kufi me Kosovën
Ministri i Mbrojtjes së Kosovës, Ejup Maqedonci 24 orë pas bllokimit në kufi ...
-
SHBA bllokon nismën për anëtarësimin e territoreve palestineze në OKB
Shtetet e Bashkuara të enjten bllokuan OKB-në nga njohja e një shteti palesti...
-
Qalaj: Jankoviq duhet të intervistohet nga AKI-ja dhe PK-ja se çfarë informacionesh dha në Serbi
Deputeti i Partisë Demokratike të Kosovës, Rashit Qalaj, ka thënë se zëvendës...
-
Ngjarjet e parapara për sot
Këto janë disa nga ngjarjet që janë paraparë për tu zhvilluar sot. Nënkrye...
-
Moti në Kosovë me vranësira
Për sot në Kosovë parashikohet të mbajë mot me vranësira të shpeshta dhe inte...
-
Kosovari që u arrestua nën pretekstin për kri*me lu*fte në Serbi, nesër del para gjykatës
Kosovari që u arrestua nën pretekstin për krime lufte në Serbi, nesër del par...
-
Lirohet zëvendësdrejtori i Policisë së Kosovës që u arrestua nga Serbia
Zëvendësdrejtori i Policisë së Kosovës, Dejan Jankoviq, që u ndalua në kufi n...
-
Të shtëna armësh në Prishtinë
Mbrëmjen e sotshme në Prishtinë, në afërsi të një pompe derivatesh, ka pasur ...
-
Gazeta ukrainase: Më e udhës Kyivi ta zgjedh partnere Kosovën se Beogradin prorus -humbje historike për Serbinë në Strasburg
Asambleja Parlamentare e Këshillit të Evropës (PACE), të martën në mbrëmje vo...
-
Hoxhaj në Austri takon ish-kancelarin Kurz dhe deputetë austriakë, ka një kërkesë për ta
Ish-ministri i jashtëm i Kosovës, Enver Hoxhaj, gjatë një vizite në Austri, k...
-
Prindon Sadriu i gëzohet çmimit që e mori Presidentja: Krenar me ty
Presidentes së Kosovës Vjosa Osmani i është ndarë çmimi Evropian nga shoqëria...