Lajme

Shefi i CIA-s: Kërcënimi bërthamor nga Rusia, nuk duhet marrë lehtë

Autori: Gazeta inFokus 08:31 | 15 April 2022

Kërcënimi se Rusia mund të përdorë potencialisht armë bërthamore taktike në Ukrainë nuk është diçka që mund të merret lehtë, tha të enjten drejtori i CIA-s William Burns, por ai shtoi se Uashingtoni nuk ka parë shumë prova praktike që e përforcojnë këtë shqetësim.

Këto janë disa nga komentet më të gjera që zoti Burns ka bërë publikisht që kur Rusia nisi sulmin në Ukrainë më 24 shkurt. Ato nënvizojnë shqetësimet se sulmi më i madh kundër një shteti në Evropë që nga viti 1945, rrezikon të përshkallëzohet në përdorimin e armëve bërthamore.

Gjatë një takimi, William Burns tha se duke patur parasysh dëshpërimin e mundshëm të Presidentit Putin mbi ecurinë e luftimeve, pengesat me të cilat trupat ruse janë përballur deri më tani, askush nuk mund ta marrë lehtë kërcënimin e paraqitur nga një përdorim i mundshëm i armëve bërthamore taktike.

-Advertisement-

Armët bërthamore taktike i referohen atyre të prodhuara për përdorim në fushën e betejës. Disa ekspertë vlerësojnë se Rusia ka rreth 2000 të tilla, që mund të nisen nga forcat ajrore, detare dhe tokësore.

Por sot zoti Burns e quati Kinën “një partner të heshtur të agresionin të Putinit kundër Ukrainës”.

Komentet e zotit Burns ishin si përgjigje ndaj një pyetjeje nga ish-senatori amerikan Sam Nunn, një mbështetësit kryesor i politikave mbi kontrollin e armëve./VOA

Subscribe në YouTube: GAZETA INFOKUSI