Shefi i kabinetit të Kryeministrit Kurti, Luan Dalipi nuk po ‘ngopet’ me përfitimet nga pushteti. Pasi vëllai i tij përfitoi tender afër 400 mijë euro nga Komuna e Prishtinës, tani Dalipi ka ‘rehatuar’ dy familjare në Ministrinë e Jashtme të Donika Gërvallës. Dy motrat, Kaltrina dhe Flaka Dalipi janë punësuar në të njëjtën ministri. Gazeta Insajderi ka mësuar se Kaltrina Dalipi në nëntor të vitit të kaluar është emëruar si ‘u.d e Shefes së Zyrës së Prokurimit’ në Ministrinë e Punëve të Jashtme dhe Diasporës. Ndërsa, Flaka Dalipi është zgjedhur në mesin e 30 kandidatëve si ‘zyrtare e misionit diplomatik’. Insajderi mëson se dy motrat janë vajzat e axhës së Luna Dalipit. Insajderi sjell detajet.

Nga zyrtare në shefe të tenderëve. Ky është kapërcimi që ka bërë Kaltrina Dalipi kur e la një institucion e shkoi në tjetrin. Dhe, aty pos pozitës së shefes, do të ndihet edhe si në familje. E ka të angazhuar edhe motrën.

Një hulumtim i Insajderit ka zbuluar se si u rehatuan në Ministrinë që e drejton Donika Gërvalla dy kushërirat e Shefit të Kabinetit të Albin Kurtit, Luan Dalipi.

-Advertisement-

Hulumtimi Insajderit ka zbuluar se Ministria e Punëve të Jashtme dhe Diasporës në nëntor të vitit 2023 ka emëruar si U.D  udhëheqës i Divizionit për Prokurorim Publik, Kaltrina Dalipin.

Dalipi ishte e punësuar në zyrën e Prokuroroimit në komunën e Prishtinës si zyrtare e lartë për prokurorim gjatë qeverisës së Vetëvendosjes. Në nëntor të vitit 2023 Dalipi është transferuar në një pozitë me të lartë në MPJD. Atë të shefes së zyrës së prokurimit.

Që nga emërimi i saj në zyrën e shefes së prokurirmit, Dalimi ka zhvilluar disa aktivitete të prokurorimit. Emri i saj figuron në nënshkrimin për dhënien e disa kontratave tenderuese brenda MPJD’së.

Insajderi ka dërguar pyetje në adresë te ministrisë për të verifikuar ngritjen në pozitë të familjares së Luan Dalipit por deri në momentin e publikimit të këtij artikulli nuk kanë kthyer përgjigje.

Në të njëjtën ministri, është rehatuar edhe motra e Kaltrinës, Flaka Dalipi. Në janar të 2024’tës ajo është përzgjedhur si ‘zyrtare e misionit diplomatik’ në Ministrinë e Jashtme.

Emri i saj figuron në listën e 13 personave që kjo ministri ka përzgjedhur për pozitën “Zyrtar i misionit diplomatik”.

Me 24 janar ministria ka publikuar listën me emrat e zyrtarëve që janë përzgjedhur në këtë pozitë, në mesin e 30 kandidatëve.

Lidhur me punësimin e motrave DALIPI, Insajderi kishte raportuar në qershor të vitit 2023 se si Kaltrina Dalipi në kohën sa ishte zyrtare e prokurimit në Komunën e Prishtinës, i ishte punësuar motra si “eksperte’ në anën e prokurimit.

Në raportimin e Insajderit ceket se si Blendina Dalipi, motra e Kaltrina Dalipit, zyrtares së prokurimit në Komunën e Prishtinës del të jetë përfituesja  që ishte paguar 32 mijë e 400 euro në komunën e Prishtinës.

Së fundmi Insajderi kishte raportuar edhe për vëllain e Shefit të kabinetit të kryeministrit, Luan Dalipit.

Driton Dalipi ishte shpërblyer me tender prej afro 400 mijë euro nga Komuna e Prishtinës që udhëhiqet nga Përparim Rama i LDK-së.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-