SHBA-ja zotohet se do të veprojë nëse Rusia pushton Ukrainën
Autori: Gazeta inFokus 10:45 | 03 January 2022
Presidenti i Shteteve të Bashkuara, Joe Biden ia ka rikonfirmuar Ukrainës mbështetjen amerikane në kohën e prezencës së trupave ushtarake ruse afër kufirit me këtë shtet.
Biden i ka thënë presidentit ukrainas, Volodymyr Zelenskiy se Shtetet e Bashkuara dhe vendet aleate “do të përgjigjen me vendosmëri” nëse Rusia pushton ish-republikën sovjetike.
Të dy presidentët kanë biseduar përmes telefonit më 2 janar.
Sekretarja e Shtëpisë së Bardhë, Jen Psaki ka thënë se Biden ka “rikonfirmuar” përkushtimin e SHBA-së për sovranitetin dhe integritetin territorial të Ukrainës.
“Liderët kanë shprehur mbështetje për përpjekjet diplomatike, duke nisur nga dialogu strategjik për stabilitet, Këshilli NATO-Rusi, si dhe dialogut përmes Organizatës për Siguri dhe Bashkëpunim në Evropë”, ka thënë Psaki.
Zelenskyi ka thënë se Ukraina e vlerëson mbështetjen “e palëkundur” nga Shtetet e Bashkuara, duke theksuar se ai dhe Biden kanë diskutuar për bashkëpunim mes SHBA-së, Ukrainës dhe partnerëve tjerë “për të mbajtur paqe në Evropë dhe për të parandaluar përshkallëzim të mëtejmë”.
Kjo ka qenë thirrja e dytë telefonike mes Bidenit dhe Zelenskyit në tri javët e fundit, ndërkohë që Shtëpia e Bardhë tenton të deklarohet për pozicionimin e trupave ruse.
Të dhënat e inteligjencës amerikane tregojnë se Rusia ka bërë përgatitje për pushtim potencial në fillim të vitit 2022, dhe autoritetet në Kiev janë të shqetësuara se Rusia mund ta pushtojë Ukrainën në javët në vijim.
Adam Schiff, demokrat dhe udhëheqës i Komitetit për Inteligjencë në Dhomën e Përfaqësuesve, ka thënë se frikësohet se presidenti rus, Vladimir Putin ka synim pushtimin e Ukrainës dhe “vetëm një nivel i paparë i sanksioneve ndaj Rusisë do ta ndalë atë”.
Duke folur më 2 janar në transmetuesin amerikan, CBS, Schiff ka thënë se masë parandaluese është fakti “që ata ta kuptojnë se nëse pushtojnë, NATO-ja do të jetë më afër Rusisë, jo më larg”.
Biseda telefonike mes Bidenit dhe Zelenskyit vjen pas asaj mes Bidenit dhe Putinit më 30 dhjetor, në të cilën Biden ka thënë se Shtetet e Bashkuara dhe vendet aleate do të vendosin sanksione të ashpra ndaj Rusisë, nëse e pushton Ukrainën.
Përgjatë thirrjes, Biden e ka paralajmëruar Putinin kundër pushtimit të Ukrainës, ndërkohë që lideri i Kremlinit, ka thënë se sanksionet kundër Moskës do të përbënin “gabim kolosal”.
Megjithatë, të dy liderët kanë treguar mbështetje për diplomaci në të ardhmen.
Rusia ka kërkuar garanci të menjëhershme për siguri nga Shtetet e Bashkuara dhe NATO-ja, duke përfshirë edhe kërkesën që Ukraina dhe republikat tjera ish-sovjetike të mos bëhen pjesë e NATO-s.
Ky vend ka mbrojtur edhe pozicionimin e trupave, duke thënë se nuk do të qëndrojë indiferente ndaj atij që shihet agresion i NATO-s në “derë” të Rusisë.
Shtetet e Bashkuara i kanë bërë thirrje Rusisë “që të angazhohet” në bisedimet e ardhshme me qëllim të shtensionimit të situatës që lidhet me Moskën dhe Kievin.
Rundi i parë – nga tre sa janë në total – do të mbahet në Gjenevë më 9-10 janar.
Në të pritet të diskutohet për kontrollin e armëve dhe tensionet e lidhura me Ukrainën.
Ky takim do të përcillet nga një takim tjetër në kuadër të Këshillit Rusi-NATO më 12 janar në Bruksel.
Takimi i tretë do të zhvillohet në Vjenë, në kuadër të Organizatës për Siguri dhe Bashkëpunim në Evropë, ku përfshihen Shtetet e Bashkuara, aleatët evropianë, Ukraina dhe Rusia./REL/
Të tjera
-
Kosova në Këshillin e Evropës, Rusia: Turp!
Autoritetet ruse e kanë cilësuar “të turpshëm” vendimin e fundit të Asamblesë...
-
Sinjalizuesi: Letër shqetësimi kryeministrit Kurti për rastin e përndjekjes së një shërbyesi civil që e denoncoi korrupsionin
Sinjalizimi i një rasti që kishte të bënte me “Faljen e borxheve për Ambalazh...
-
Policia konfiskon mbi 2 mijë patentë-shoferë për tre muaj
Policia e Kosovës i ka shtuar aktivitetet e saj për të parandaluar aksidentet...
-
Vd*es profesori Binak Gërguri
Ka vdekur profesori Binak Gërguri, punonjësi shumëvjeçar i Institutit Pedagog...
-
NDODH DHE KJO/ Mjekët japonezë padisin Google Maps, ja arsyeja
Afër 60 mjekë në Japoni kanë ngritur padi, duke akuzuar Google Maps për injor...
-
Policia konfiskon dy armë zjarri në dy raste të ndryshme në Suharekë
Policia e Kosovës ka njoftuar për konfiskimin e dy armëve të zjarrit brenda 2...
-
Policia e Prishtinës vazhdon aktivitetet për largimin e personave që kërkojnë lëmoshë në rrugë
Policia e Prishtinës po i vazhdon aktivitetet për largimin e personave që kër...
-
Stano: Themelimi i Asociacionit çështje urgjente, moszbatimi i marrëveshjeve ka pasoja për të dyja palët
Sot janë bërë 11 vjet nga arritja e marrëveshjes së parë në mes të Kosovës dh...
-
Kurti ‘i dështojnë’ inspektimet, banorët protestojnë për zgjerimin e rrugës Kijevë-Dollc
Kryeministri i Kosovës, Albin Kurti ka inaguruar fillimin e punimeve për zgje...
-
Pamjet tmerrüese: Dënohet me 15 vite burg arsimtari që püthi nxënësen në Deçan
Me 15 vite burg e asnjëherë më kthim apo ligjërim në shkollë është dënuar, ar...
-
Propozim nga partia e Vuçiqit: Serbia t’i ndërpresë integrimet evropiane
Deputeti i Partisë Përparimtare Serbe (SNS) Vlladimir Gjukanoviq ka sugjeruar...
-
Kurti ironizon me ushtrimet e ushtrisë serbe: Paraqesin ndotje të ajrit e tokës
Kryeministri i vendit, Albin Kurti, është deklaruar në lidhjet me ushtrimet u...