SHBA-ja thotë se s’ka kushte për mbajtjen e zgjedhjeve në veri, nga shoqëria civile kërkojnë zgjidhje alternative
Autori: Gazeta inFokus 23:16 | 07 December 2022
Pas incidenteve të djeshme në veri, Shtetet e Bashkuara të Amerikës janë shprehur shqetësuara se nuk ka kushte për mbajtjen e zgjedhjeve atje më 18 dhjetor. Institucionet thonë se mbajtja e zgjedhjeve është obligim kushtetues, por pas vlerësimit të situatës së sigurisë, sipas tyre, do të vendoset për hapat e mëtutjeshëm. Anëtarë të shoqërisë civile kërkojnë zgjidhje alternative, pasi situata në pjesën veriore vlerësohet e rrezikshme.
Situata e brishtë e sigurisë në veri është bërë sërish shkak që ndërkombëtarët t’i trokasin në derë Qeverisë.
Aleatët e Kosovës kanë nisur të tërheqin vërejtjen për rrezikun që mund të sjellë mbajtja e zgjedhjeve të jashtëzakonshme në katër komunat veriore më 18 dhjetor.
Është ambasadori amerikan, Jeff Hovenier i cili pas incidenteve me armë zjarri të martën, ka thënë se nuk ka kushte për mbajtjen e zgjedhjeve.
“Shtetet e Bashkuara janë të shqetësuara se nuk janë krijuar kushtet për momentin që zgjedhjet të mbahen në fund të këtij muaji në veri të Kosovës. Siguria e të gjithë qytetarëve të Kosovës duhet të jetë prioriteti më i lartë. Ne kërkojmë që të gjithë të përfshirët të vetëpërmbahen”, ka thënë Jeff Hovenier, Ambasador i SHBA-së.
Për fatin e zgjedhjeve është deklaruar të mërkurën institucioni që i ka shpallur ato.
Presidenca thotë mund të aktivizohet vetëm pas një vlerësimi për gjendjen e sigurisë nga institucionet përkatëse dhe një kërkesë nga KQZ-ja.
“Presidenca është në kontakt të vazhdueshëm ndërinstitucional dhe nëse vjen një kërkesë për shtyrjen e zgjedhjeve, sipas praktikave të Komisionit të Venedikut, Presidentja Osmani do t`i ftoj subjektet politike për konsultime dhe më pas do ta marrë vendimin”, ka thënë Bekim Kupina, Këshilltar për media në Presidencë.
Kurse, Qeveria rithekson se mbajtja e zgjedhjeve është obligim kushtetues, por thotë se presin raport për gjendjen e sigurisë të vendosur rreth kësaj çështjeje.
“Bandat kriminale mund edhe mos të marrin pjesë në zgjedhje, por ato nuk mund ta diktojnë mbajtjen apo jo të zgjedhjeve demokratike. Aktet e dhunës dhe veprimet kriminale duhet të dënohen njëzëri. Presim vlerësimin e situatës në veri nga organet tona të sigurisë për hapat e mëtejmë”, ka thënë Përparim Kryeziu, zëdhënës i Qeverisë.
Gjendja në veri vlerësohet e rrezikshme nga Instituti i Kosovës për Demokraci, i cili tradicionalisht monitoron procese zgjedhore.
Andaj, KDI kërkon që për zgjedhjen e katër kryetarëve të komunave veriore të gjendet një zgjidhje alternative.
“Së bashku me vendimin për shtyrjen e zgjedhjeve të hapin një proces të dialogimit për ricaktimin e një date në një periudhë sa më të afërt dhe përfshirjen e të gjitha partive politike atje. Në të kundërtën përveç se ambienti është i rrezikshëm për mbajtjen e zgjedhjeve, edhe çfarëdo rezultati i dalur nga një proces i tillë do të cilësohej jodemokratik”, ka thënë Arbër Thaçi, nga KDI.
Zgjedhjet e parakohshme janë pasojë e dorëheqjeve të kryetarëve të Mitrovicës së Veriut, Zubin Potokut, Leposaviqit dhe Zveçanit në fillim të nëntorit./RTV Dukagjini/
Të tjera
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...