Lajme

SHBA dënon veprimet në veri, Sveçla: Përgëzoj policinë, mos bini pre e manipulimeve

Autori: Gazeta inFokus 18:22 | 26 May 2023

Ministri i Punëve të Brendshme i Kosovës, Xhelal Sveçla ka përgëzuar punën e policisë së Kosovës në veri të vendit, pak kohë pasi ambasadori i Shteteve të Bashkuara të Amerikës, Jeff Hovenier ka dënuar këto veprime të qeverisë së Kosovës në veri.

A nëpërmjet një postimi në Facebook ka thënë se kryetarët e komunave veriore do të vazhdojnë mandatin e tyre duke qenë në shërbim të të gjithë qytetarëve.

“Pas ceremonive të djeshme të betimit të Kryetarëve të komunave veriore, kryetarët e komunave Zveçan, Zubin Potok dhe Leposaviq sot janë vendosur në zyret e tyre në objektet komunale. Ata do të vazhdojnë mandatin e tyre duke qenë në shërbim të të gjithë qytetarëve pa dallim. Përgëzoj Policinë e Kosovës për profesionalizmin e treguar në ballafaqimin me grupe të organizuara kriminale, që kishin për qëllim pengimin e këtij procesi. 5 pjesëtarë të policisë janë lënduar nga sulmet e këtyre grupeve por që fatmirësisht lëndimet janë të lehta, ata ndihen mirë dhe janë në detyrë.”, ka shkruar Sveçla.

-Advertisement-

Sveçla ka thënë se policia ka treguar profesionalizëm në ballafaqim me grupet kriminale të organizuara në veri të vendit, ndërsa ka ftuar qytetarët të mos bien pre e manipulimeve.

“Ftoj të gjithë qytetarët tanë që të mos bien pre e manipulimeve të grupeve kriminale të cilët për hir të përfitimeve kriminale personale e grupore dëshirojnë kaos dhe suspendim të shtetit të së drejtës e të demokracisë. Institucionet demokratike të Republikës së Kosovës do të jenë gjithnjë në shërbim të qytetarëve të vendit pa dallim dhe të pakompromis me sulmuesit e demokracisë, ligjit dhe qytetarisë.”, tha Sveçla.

Subscribe në YouTube: GAZETA INFOKUSI
Oferta speciale deri në 70% dhe ekstra zbritje në dyshekët Comodita
-Advertisement-

Të tjera

Fokusi

lajme