Lajme

SHBA: Deklarimet e Dodikut rrezik jo vetëm për Bosnjën, por për gjithë Ballkanin Perëndimor

Autori: Gazeta inFokus 18:40 | 07 November 2023

Ambasada e Shteteve të Bashkuara të Amerikës në Sarajevë ka lëshuar një reagim përmes të cilit thotë se deklarimet dhe kërcënimet e Millorad Dodik për t’u shkëputur nga Bosnja e Hercegovina janë kundër Marrëveshjes së Dejtonit dhe të rrezikshme jo vetëm për Bosnjë dhe Hercegovinën por për të gjithë rajonin.

Pikërisht për qëndrime të tilla, Ambasada e SHBA-së thekson se Millorad Dodik është sanksionuar nga Washingtoni zyrtar.

“Retorika separatiste e Milorad Dodik dhe kërcënimet për t’u shkëputur nga Bosnja dhe Hercegovina janë kundër Dejtonit dhe të rrezikshme, jo vetëm për stabilitetin dhe sigurinë e Bosnjë-Hercegovinës, por për stabilitetin dhe sigurinë e të gjithë rajonit të Ballkanit Perëndimor. Deklaratat si kjo, si dhe veprimet e tij kundër Dejtonit dhe përpjekjet për të minuar shtetin e Bosnjë-Hercegovinës janë pikërisht arsyeja pse zoti Dodik është nën sanksionet e SHBA-së”, thuhet në reagim.

-Advertisement-

Tutje theksohet se Kushtetuta e Bosnjë dhe Hercegovinë nuk lejon ndarjen e një entiteti apo njësie shtetërore dhe se iluzionet e Dodikut janë devijim i rrezikshëm nga e ardhmja paqësore.

“Sipas Kushtetutës së Bosnjë dhe Hercegovinës nuk ka të drejtë që një ent apo ndonjë njësi tjetër nënshtetërore të shkëputet. Iluzionet e zotit Dodik janë një devijim i rrezikshëm nga e ardhmja paqësore, demokratike dhe e begatë që qytetarët e Bosnje dhe Hercegovinës, përfshirë ata që jetojnë në Republika Srpska, duan dhe meritojnë. Shtetet e Bashkuara gjithmonë kanë mbështetur dhe do të vazhdojnë të mbështesin integritetin territorial, sovranitetin dhe karakterin multietnik të Bosnjë dhe Hercegovinës”, përfundon reagimi.

Presidenti i “Republika Srpska” Millorad Dodik sot ka deklaruar se s’kanë plan për shkëputje nga Bosnjë dhe Hercegovina, por që sipas tij janë 10-15 vende që janë “gati ta mbështesin”.

Subscribe në YouTube: GAZETA INFOKUSI