Fun & Video

Shapkat e Steve Jobs shiten me çmim rekord

Autori: Gazeta inFokus 13:52 | 16 November 2022

Një palë sandale të veshura nga Steve Jobs janë shitur në ankand nga Julien’s Auctions për gati 220 mijë dollarë. Sipas shtëpisë së ankandeve, sandalet u vlerësuan në rreth 60 mijë dollarë, por në fund çmimi gati u katërfishua.

Ky është çmimi më i lartë i paguar ndonjëherë për sandale. Jobs, i cili vdiq në vitin 2011 për shkak të kancerit të pankreasit, i veshi ato sandale në shtëpinë e prindërve të tij në Palo Alto në Kaliforni. Në tetor të vitit të kaluar, një palë atlete të veshura nga legjenda e basketbollit Michael Jordan u shitën për 1.47 milionë dollarë në ankand, duke thyer rekordin për këto lloj këpucësh.