Lajme

Shala: Kushtetuesja ende nuk ka përgjigje për draft-amendamentet për vettingun

Autori: Gazeta inFokus 11:17 | 15 May 2023

Kryetari i komisionit ad-hoc për zhvillimin e procesit të vlerësimit kalimtar, Kujtim Shala, ka thënë se komisionit i duhet një afat shtesë pasi sipas tij është e pamundur të realizohet brenda gjashtë muajve jo që kanë planifikuar.

Në mbledhjen e sotme të komisionit, ai ka theksuar se Gjykata Kushtetuese nuk ka kthyer ende përgjigje në lidhje me draftamendamentet për vettingun.

“Është e pamundur brenda gjashtë muajve të realizojmë atë që kemi planifikuar…Ne sot duhet të diskutojmë edhe sa kohë na duhet. Ne të kërkojmë edhe gjashtë muaj të tjera mandat. Gjykata Kushtetuese nuk ka ende përgjigje”, ka thënë Shala.

-Advertisement-

Edhe deputeti Adnan Rrusteni tha se puna e këtij komisioni varet nga shqyrtimi paraprak nga Gjykata Kushtetuese.

“Amendamentet janë në Gjykatë Kushtetuese. Sot i kemi dy opsione, që të kërkojmë edhe një afat prej gjashtë muajve. Opsioni i dytë që të kërkojmë zgjatjen e punës së komisionit pa caktuar afat”, ka thënë ai./KP

Subscribe në YouTube: GAZETA INFOKUSI