Lajme

Shala: Kriza energjetike ka mundur të parashikohet

Autori: Gazeta inFokus 23:52 | 23 December 2021

Kryetari i Komisionit Parlamentar për Ekonomi, Industri, Ndërmarrësi dhe Tregti Ferat Shala, ka thënë në Edicionin Special se ka pasur sinjale nga të gjitha nivelet se do të ketë krizë energjetike.

Shala tha se kjo krizë ka mundur të shmanget dhe të kishte efekt minor në vendin tonë.

Ai theksoi se kjo do të ndodhte nëse do të kishte një plan të mirëfilltë të veprimit.

“Ngritjet kanë mundur të parashikohen. Kemi pasur sinjale nga të gjitha nivelet se kriza energjetike mund të vije. Kriza energjetike nuk ka mundur të shmanget, kriza energjetike ka mundur t’i ketë pasojat shumë më minore”.

“Kriza do të mund të ishte më pak efektive sikur ne të kishim një plan veprimi, të kishim sensibilizim me kohë. Pra, një plan veprimi që blloqet e termocentralit të mos hyjnë në prodhim në të njëjtën kohë. Një plan veprimi që do të restauroheshin blloqet e termocentralet Kosova A dhe B në kohë të vjeshtes ose verës. Një plan veprimi që nuk do ta linte sot KEK-un pa bord menaxhues”.

Të tjera