Lajme

Shala: Dukagjini ka vendosur ta përkrahë Hotin për kryeministër

Autori: Gazeta inFokus 23:50 | 04 Qershor 2017

Ministri i Kulturës, Rinisë dhe Sporteve, Kujtim Shala, ka thënë të dielën në Xërxë të Rahovecit, se pas tubimeve që LDK dhe partnerët e koalicionit kanë mbajtur në disa qytete të Dukagjinit, është vërtetuar se ata përkrahin Avdullah Hotin për kryeministër të ardhshëm të Kosovës.

“Entuziazmi që kam parë sot në Junik, Deçan, Pejë, Klinë dhe tani këtu në Xërxë, më bën të bindur se Dukagjini është përcaktuar që Avdullah Hoti të jetë kryeministër i ardhshëm i Kosovës”, ka thënë Shala.

Ai ka shtuar se Hoti ka qenë ministri kryesor i Qeverisë së kaluar i cili ka dëshmuar rezultatet të matshme, që kanë numra dhe emra konkret.
Edhe kryetari i Pejës, Gazmend Muhaxheri ka thënë se entuziazmi i krejt Kosovës është për ndryshimin e madh që do të bëhet pas 11 qershorit, kur LDK dhe aleatët e saj do të korrin fitore dhe Avdullah Hoti do të bëhet kryeministri ynë.

-Advertisement-

Kandidati për kryeministër nga LDK-AKR-Alternativa, Avdullah Hoti, edhe në Xërxë ka prezantuar projektin e tij për zhvillimin e Kosovës dhe rritjen e vendeve të reja të punës.

Ai ka thënë se nga janari 2018 do të trefishohet buxheti për bujqësinë, tokat në sistemin e ujitjes do të dyfishohen, nga 10 mijë hektarë në 20 mijë dhe do të riparohen komplet pajisjet bujqësore.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy