Lajme

Shaip Muja: Shpend Ahmeti po provon të kapet te LDK-ja

Autori: Gazeta inFokus 13:01 | 29 May 2017

Kandidati për deputet, Shaip Muja ka thënë se kryetari i Prishtinës, Shpend Ahmeti është shembulli se deri ku shkon imoraliteti politik.

Lexojeni postimin e tij të plotë të Shaip Mujës në Facebook.

Duke qenë pa program dhe pa vizion për Kryeqytetin, me përjashtim të gjetjes së ndonjë strehe a paterice për të livadhisur deri në fund të mandatit me parulla boshe, Shpend Ahmetit i kthehet dashuria për LDK-në, duke harruar madje 70 akuzat për kreun e kësaj partie dhe debatet e pafund kundër saj. Shpendi po kërkuaka koalicion paszgjedhor me LDK-në. Shembull se deri ku shkon imoraliteti politik.

-Advertisement-

Shpend Ahmeti ka dëshmuar se dhelpëria e VV është e tejdukshme, spekulative dhe për “konsum për masat e gjëra”, sepse, në fillim të fushatës, joshë qytetarët me skema e koalicione paszgjedhore. Ky peshkim i kotë i tij, madje imoral, në kënetën e LDK-së, dëshmon për ligësinë e kësaj lëvizjeje dhe makiavelizmin ekstrem.

Vetëvendosje nuk la “prehër” pa u ulë që sado pak të ngrohet dhe pastaj të deklarohet sikur nuk bëri koalicione “për parime”. VV me të gjitha forcat u përpoq “të kapet” diku, i shkoi huq me koalicione parazgjedhore. Shpendi, si trimosh që është, synon që të “kap” trenin e fundit, koalicionin paszgjedhor, aq të rëndësishëm për mbijetesën personale politike. Se çka synon me votat paszgjedhore të LDK-së, është e qartë. Tashmë, për çdo njohës të politikës, lajkat e tij ndaj LDK-së, nuk i sjellin “kapje” më të vlershme se të ndonjë bretkose në atë kënetë. O tempora, o mores!

Subscribe në YouTube: GAZETA INFOKUSI