Fokus

Shabani skeptik për Pakon e Ringjalljes Ekonomike

Autori: Elvira Haxhiu 16:37 | 24 December 2021

Qëllimi kryesor i Pakos së Ringjalljes Ekonomike është që të ndihmojë bizneset të cilat kanë pësuar nga pandemia e cila u përhap në tërë botën e edhe në Kosovë, shkruan Gazeta Infokus.

Por për një pako të tillë, gazetari i fushës së ekonomisë, Zekirja Shabani, është mjaft skeptik.

Në një intervistë të organizuar nga Instituti për Politika Zhvillimore (INDEP), Shabani tha se Kosova është vonuar shumë për Pakon e Ringjalljes Ekonomike dhe nuk ka hartuar një pako që ju jep garancë qytetarëve.

-Advertisement-

“Nuk kemi pasur një pako tamam të ringjalljes ekonomike, kemi pasur një pako të krijimit të përshtypjes që shteti po merret pak me qytetarët, por që në vitin e ardhshëm kemi me pa që me të vërtetë kemi qenë vonë”, tha gazetari Shabani.

Ai po ashtu tha se institucionet nuk po veprojnë kur është nevoja, por vetëm kur kanë interes në përfitimin e votave.

Ndërkaq, për Shabanin implementimi i kësaj pakoje është selektiv.

“Jam shumë skeptik në zbatimin e plotë të kësaj pakoje që ka me pas efektin e duhur te qytetarët dhe te bizneset për shkak implementimit selektiv”, shtoi ai.

Sipas tij nga kjo pako kanë përfituar vetëm ‘dostat’ e atyre qenë në pushtet.

“Ndoshta qeveria e ka mendu qe me përfitu ata që janë të goditur prej pandemisë, por prej asaj që është raportu në vazhdimësi është pa që më shumë kanë përfitu dostat e ministrave, dostat e atyre që kanë qenë në pushtet”, deklaroi Shabani.

Krejt kjo u tha në një diskutim të mbështetur nga Balkan Trust for Democracy, projekt i German Marshall Fund of the United States dhe USAID e i zbatuar në Kosovë nga Instituti për Politika Zhvillimore – INDEP./Gazeta Infokus/

Subscribe në YouTube: GAZETA INFOKUSI
Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…

Të tjera