Lajme

Shabani: Partitë politike duhet të kërkojnë ekspertizë për votat e ardhura nga Serbia

Autori: Gazeta inFokus 21:28 | 30 October 2019

Pa marrë parasysh se rreth 19 persona përfunduan në spital për shkak të zarfeve me vota që erdhën në mënyrë jo të rregulltë nga Serbia në Kosovë, ato u numëruan në Qendrën e Numërimit të votave në kushte të jashtëzakonshme, shkruan Gazeta inFokus.

Stafi i Qendrës së Numërimit u pajis me maska e veshje speciale, për të evituar problemet me shëndetin që pasonin menjëherë pasi personat binin në kontakt me këto zarfe.

Në “Debat” të RTK-së, kryeredaktori i Gazetës inFokus, Zekirja Shabani tha se problemi i votave që erdhën në Kosovë nga Serbia nuk ishte mënyra se si erdhën votat, por mënyra si ato fletëvotime u plotësuan.

-Advertisement-

“Problemi i votave të Serbisë nuk ka qenë teknikisht a kanë ardh me postë apo jo. Dyshimet kanë qenë se Lista Serbe i ka plotësu ato vota dhe qytetarët serbë nuk e kanë shprehur vullnetin e tyre se kush do t’i përfaqësoj në Kuvendin e Kosovës. Dyshimet janë që ato vota që u numëruan me ato maskat spektakolare në Qendër të Rinumërimit ishin të plotësuara në mënyrë jo të rregullt.”, u shpreh Shabani.

Sipas Shabanit, partitë politikë do të duhej të kërkonin një ekspertizë për të vërtetuar nëse ato vota ishin plotësuar në mënyrë të rregulltë. /Gazeta inFokus/

Subscribe në YouTube: GAZETA INFOKUSI
Etiketa:
Oferta ekstreme e majit – dyshek memory 100€ më lirë!
-Advertisement-

Të tjera

Fokusi

lajme