Opinione

S’guxojmë të ngelemi palë refuzuese

Autori: Agron Hoti 09:28 | 28 February 2023

Në qoftë se Kosova që nga rezistenca dhe sakrifica e paparë njerëzore që nga 1912 deri në 1997, nga çlirimi në 1999, pavarësimi në 2008, legjitimimi ndërkombëtar në GJND në 2010, nënshkrimi i MSA-së në 2016 dhe kompletim-shtetndërtimi deri në 2019, ka arritur të aplikojë edhe për anëtarësim në BE në 2022, atëherë jam i bindur që do të ecën tutje edhe me këtë marrëveshje që garantohet nga Perëndimi në krye me SHBA.

Nuk kemi garant më të fortë sesa SHBA-të, zaten as këtë pavarësi e mirëqenie që e kemi as që do të paramendonim pa ta.

Kauzat e rrejshme populliste që nga 2013 e deri me sot se në bisedime po fitonte Serbia kundrejt Kosovës kanë qenë ekskluzivisht pushtetardhëse dhe aq degraduese të pozicionit ndërkombëtar të Kosovës sa sot po na lavdërohet Serbia e kritikohet Kosova që ka ngelur e superizoluar.

-Advertisement-

Prandaj, Kosova në asnjë mënyrë nuk guxon të ngelet pala refuzuese, sepse deri me sot ka qenë Serbia pala refuzuese dhe si e tillë gjithmonë humbëse. Sa herë që kemi shkuar dhëmb për dhëmb me Serbinë dhe kemi nënshkruar dokumentet që na i ka kërkuar Perëndimi kemi fituar, sa herë jemi strukur, Serbia na është vërsulur. Vetë refuzimi jonë i kësaj marrëveshjeje i bën 100% argatin Serbisë.

Ndërkohë që vetë fakti që Kosova sot nënshkruan për veten e saj e jo të tjerët për të, tregon më së miri që Serbia është përshëndetur përgjithmonë nga këto troje dhe kjo është vetë mrekullia njerëzore që i ka ndodhur kësaj toke të larë me gjak ndër dekada e shekuj.

Prandaj, s’guxojmë të ngelemi palë refuzuese, sepse Serbia e Rusia me disa aleatë të tyre evropianë pikërisht këtë mirëpresin prej nesh.

Subscribe në YouTube: GAZETA INFOKUSI

Të tjera

Fokusi

opinione