Kosova është thuajse shteti i vetëm në kontinentin Evropian që pushon me 9 maj, për Ditën e Evropës.

Asnjëri nga shtete që e themeluan Bashkimin Evropian nuk e feston këtë ditë, përveç qytetarëve të shtetit që nuk kanë të drejtë as të udhëtojnë pa viza në vendet e BE-së.

Madje kjo është e rregulluar edhe me ligjin nr. 03/L-064, për festat zyrtare në Republikën e Kosovës, përkundër krejt premtimeve të ligjvënësve që do ta heqin këtë ditë nga kalendari i pushimeve, shkruan Infokusi.

-Advertisement-

Për vite me radhë qeveritarë të shtetit më të varfër në Evropë, me 9 maj organizojnë aktivitete festive, pavarësisht se nga BE-ja çdo vit u dëshmohet se janë larg të të qenit evropian.

Kosova vazhdon të ketë papunësinë më të lartë, shkallën më të lartë të varfërisë, shkallën ndër më të lartat të analfabetizmit funksional, si dhe shkallën e lartë të korrupsionit e të krimit të organizuar, shkruan Infokusi.

Por, pavarësisht kësaj, Kosova tashmë ka filluar zbatimin e Marrëveshjes së Stabilizim-Asociimit që është marrëveshja e parë kontraktuale e Kosovës me Bashkimin Evropian. Ndërkaq, është në pritje për liberalizimin e vizave nga Komisioni Evropian me shpresë që pas disa muajsh, kosovarët, të vetmit të izoluar në ballkan, do të mund të lëvizin pa viza në shtetet evropiane të zonës Shengen.

Çfarë është dita e Evropës?

Dita e Evropës zanafillën e ka te 9 maji i vitit 1950, kur ministri i Jashtëm i Francës, Robert Shuman, lexoi për shtypin ndërkombëtar një deklaratë ku i bënte thirrje Francës, Gjermanisë dhe vendeve të tjera evropiane për të bashkuar prodhimet e tyre të thëngjillit dhe çelikut, si detyrim për ruajtjen e marrëdhënieve paqësore mes vendeve.

Vendet të cilave u drejtohej thirrja kishin dalë të rrënuara materialisht dhe moralisht nga konfliktet me njëra-tjetrën. Si rezultat i këtij propozimi një vit më vonë u krijua Bashkimi Evropian, ndërsa në Samitin e Milanos të mbajtur më 1985 udhëheqësit e Bashkimit Evropian vendosën që 9 Maji të festohej si Dita e Evropës.

Dita e Evropës bashkë me himnin, flamurin, moton dhe monedhën e përbashkët- euron janë simbolet identifikuese të Bashkimit Evropian./Infokusi/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-