Sesioni vjeshtor i Kuvendit me probleme të vjetra
Autori: Gazeta inFokus 20:58 | 11 September 2023
Partitë opozitare kanë vendosur që të mos votojnë asnjë projektligj e as marrëveshje ndërkombëtare në sesionin vjeshtor, që nisë nga kjo e enjte. Kjo sipas deputetëve të PDK-së, për keqqeverisjen e nga skandalet që kanë ndodhur. Derisa nga AAK-ja kanë thënë se nuk do të ketë asnjë hap, pa koordinim me opozitën. Monitoruesit e Kuvendit thonë se sesioni vjeshtorë do të jetë i mbingarkuar pasi nis me pika të trashëguara nga sesioni i kaluar.
Seanca e parë e Kuvendit të Kosovës, për sesionin e ri, atë vjeshtor është planifikuar të mbahet këtë të enjte.
Por të gjitha pikat që janë të parapara për këtë seancë pas pushimeve të deputetëve janë të sesionit të kaluar.
Monitoruesit e Kuvendit thonë se ky sesion do të nisë i ngarkuar, derisa shtojnë se ka marrëveshje e projektligje të rëndësishme që duhet patjetër të miratohen.
Naim Jakaj, Hulumtues në IKD ka thënë se “sesioni i Kuvendit po fillon me një seancë të papërfunduar nga sesioni i kaluar pra me 24 pika përreth dhe po fillon ky sesion i ngarkuar me afërsisht 58 apo 63 projektligje të cilët presin e që janë në procedurë të shqyrtimit dhe miratimit, nga ana e deputetëve të Kuvendit, në mesin e disa projektligjeve që janë vonuar janë disa marrëveshje ndërkombëtare njëra ndër to është edhe një marrëveshje që ua mundëson dhjetëra studentëve kosovar të marrin bursa për në shtetin e Francës, kjo marrëveshje duhet të votohet sa më shpejtë.”
Deputetët e opozitës nuk duken shumë premtues në bashkëpunimin me deputetët e partisë në pushtet.
Hisen Berisha, nga Partia Demokratike thotë se kanë vendosur që asnjë projektligj e asnjë marrëveshje të mos e votojnë, për shkak të skandaleve të njëpasnjëshme të qeverisë.
Hisen Berisha, Deputet PDK ka potencuar se “Ne kemi vendosur moratorium me qëllim të ndaljes së kësaj qeverie, nga keqqeverisja nga dëmet që po i bëhen vendit dhe besoj që në programin tonë për ditët në vazhdim do të jetë evidentimi dhe vënia në pah e të gjitha keqqeverisjet që vijnë, nga keqpërdorimi i buxhetit, aferat, qoftë në dëmet politike që tashmë po bëhen.”
Derisa, Pal Lekaj nga AAK, thotë se qeveria duhet të ketë diskutim e koordinim me opozitës, përndryshe nuk do të votojnë asgjë.
Pal Lekaj, deputet nga AAK ka potencuar se “Meqë qeveria nuk ka treguar gatishmëri që të bashkëpunoj me opozitën, që ka shpërfillur të gjitha kërkesat tona, ne në këtë sesion mendojmë që nuk do të votojmë ligje pa ndonjë koordinim paraprak, pa një marrëveshje dhe kështu i mbetet qeverisë që të përgatis ligjet që ti bie në Kuvend, por në ato raste të koordinohet me ne, përndryshe ne nuk do votojmë ligje shkel e shko.”
Veprimet e paralajmëruara nga ana e deputetëve të partive opozitare, sipas Artan Abrashit deputet nga Lëvizja Vetëvendosje, janë të palogjikshme, derisa shton se sesioni i kaluar është ndër më të suksesshmit për nga efikasiteti dhe puna e bërë.
Artan Abrashi nga LVV, ka theksuar se “Projektligjet janë të Kosovës, ato vinë sipas një rendi të përcaktuar rregullores së punës së Kuvendit, edhe sipas ligjeve në fuqi, paraprakisht opozita është pjesë e kryesisë së Kuvendit, e cila edhe bënë rendin edhe përcakton se çka duhet të shkojë në votim, është e paarsyeshme me thënë se nuk ka pasur koordinim, kur ndoshta janë pikërisht ata opozitar që marrin pjesë, në ato mbledhje e përcaktojnë rendin e ditës, unë mendoj se është thjeshtë një arsyetim koti për një bojkot opozitar që po ndodh në Kuvend.”
Sesioni pranveror i Kuvendit të Kosovës, është përmbyllur me 44 ligje të miratuara, derisa në po këtë sesion në njërën nga seancat debati kishte eskaluar në përleshje fizike./RTV Dukagjini
Të tjera
-
“Pjesëmarrja në regjistrimin e popullsisë shumë e lartë”, koordinatorja e OKB-së e kënaqur me procesin
Koordinatorja e OKB-së për Zhvillim, Arnhild Spence, ka thënë se procesi i re...
-
Togerja e Policisë së Kosovës fiton çmim ndërkombëtar për shërbim në komunitet
Togerja në Policinë e Kosovës, Antigona Çitaku – Dibrani, ka fituar çmimin nd...
-
Skepticizëm nëse Kurti do t’i sigurojë votat për Kodin Civil
Deputetë të Lëvizjes Vetëvendosje nuk kanë ndryshuar qëndrim për Kodin Civil,...
-
Mehaj vlerëson se institucionet kanë bërë “punë modeste” për argumentimin e gjenocidit serb
Ish-Ministri i Mbrojtjes, Armend Mehaj, ka folur për punën e institucioneve t...
-
Familjarët e të zhdukurve përgatiten ta padisin Serbinë në Strasburg
Familjarët të cilëve u janë zhdukur më të dashurit e tyre, po përgatiten ta p...
-
Mesiq: Vuçiq si Millosheviqi, “Serbia e Madhe” nuk do të ndodhë
Ish-presidenti i Kroacisë, Stjepan Mesiq, ka evokuar kujtime nga koha kur ai ...
-
Objekti i vjetër i QKMF-së në Fushë Kosovë “vërshohet” nga qentë endacak, komuna thotë se do ta zgjidhë problemin në vitin 2025
Qentë endacak prej kohësh kanë gjetur një strehë të sigurtë në Fushë Kosovë. ...
-
OVL-UÇK në Gjakovë i reagon asamblistes së VV-së Mimoza Shala: Largoni duart nga dëshmorët
OVL-UÇK në Gjakovë ka reaguar ndaj deklaratës së asamblistes së VV-së, Mimoza...
-
Wall Street Journal: Agjencitë amerikane të zbulimit thonë se ndoshta Putini s’e ka urdhëruar vrḁsjen e Navalnyt
Sipas një artikulli të gazetës ‘Wall Street Journal’ të publikuar të shtunën,...
-
Ahmeti: Nuk vendos Mickoski a shkon BDI-ja në opozitë
Kryetari i Bashkimit Demokratik për Integrim (BDI), Ali Ahmeti, ka thënë se n...
-
Rrëfimi për mḁsakrën e Rezallës: “M’u qetësua shpirti kur e gjetëm trupin e babait”
Shumë net pa gjumë, vuajtje e mërzi e shoqëruan Shaban Deliun, derisa u ident...
-
Paralajmërimi i ministrit gjerman: Qëllimi i Putinit nuk është Ukraina por Evropa
Gjermania do të vazhdojë mbështetjen e saj për Ukrainën dhe do të kundërshtoj...