Serwer: Vuçiq po i hedh poshtë marrëveshjet sapo del nga takimi
![](https://gazetainfokus.com/wp-content/uploads/2023/06/daniel-serwer-780x439-1-696x392-1.jpg)
Autori: Gazeta inFokus
19:12 | 29 June 2023
Profesori amerikan dhe njohësi i zhvillimeve politike në rajon, Daniel Serwer, ka folur për idenë e kryeministrit të Shqipërisë, Edi Rama, për organizimin e një konference të nivelit të lartë, ku liderët e Kosovës dhe Serbisë s’do të lejoheshin të dilnin nga takimi pa marrëveshje, propozim ky që ka marrë përkrahjen e Preisdentit të Këshillit Evropian, Charles Michel.
Serwer ka thënë se mund të pajtohet me Edi Ramën që problemi qëndron në krye, por thotë se nuk e di dikë që mund të detyrojë Kurtin e Vuçiqin për të marrë pjesë në një samit të tillë dhe për t’i mbajtur ata aty deri në arritjen e një marrëveshje.
Profesori amerikan thotë se përveç kësaj, Vuçiq e ka bërë të qartë se s’ka rëndësi për çfarë ai pajtohet, meqë është i përgatitur t’i hedh poshtë ato sapo të dalë nga takimi.
“Washingtoni dhe Brukseli as që ankohen kur ai e bën këtë”, ka thënë Serwer për Express.
Serwer ka thënë se është e qartë që aktualisht s’ka një marrëveshje për “normalizim”, aq më pak për njohje reciproke.
“Do të doja që liderët kryesore të pajtoheshin për t’u kthyer prapa tek negocimi i marrëveshjeve për çështje që bëjnë diferencën në jetët e njerëzve.
Negociatat përpara 2013-ës kanë qenë më të suksesshme (edhe pse disa mbesin të pa implementuara), sesa negociatat që nga 2013-ta”, ka thënë Serwer.
Serwer ka folur edhe për letrën që 8 senatorë amerikanë i kanë dërguar Shtëpisë së Bardhë, e në të cilën kërkojnë marrjen e masave në rast se Kosova dhe Serbia refuzojnë de-eskalimin. Serwer thotë se në Amerikë dy krahët politikë kanë konsensus për de-eskalimin dhe se vazhdimi i situatës së njejtë do të përkeqësojë gjendjen.
Megjithatë Serwer thotë se nuk mendon që Kosova dhe Serbia kanë përgjegjësi të njejtë kur vije puna tek situata aktuale, e që Serwer thotë se buron nga veprimet e Serbisë, duke filluar nga bojkoti i zgjedhjeve lokale.
“Po, mendoj se ka një konsensus për de-përshkallëzimin. Vazhdimi i situatës aktuale rrezikon edhe më keq. Megjithatë, nuk mendoj se Beogradi dhe Prishtina janë njësoj përgjegjës për situatën aktuale, e cila buron nga bojkoti serb i zgjedhjeve komunale dhe vazhdoi me demonstrata të dhunshme kundër pranisë së policisë së Kosovës në territorin e Kosovës si dhe kidnapimit të policisë së Kosovës në territorin e Kosovës”, ka thënë Serwer.
I pyetur nëse ky konsensus i politikës amerikane është një shenjë që tregon se Kurti duhet të reflektojë, Serwer ka thënë se është i sigurt që kryeministri Albin Kurti është në dijeni për shqetësimet e amerikanëve, gjithashtu edhe presidenti serb, Aleksander Vucic. Por, Serwer thotë se është një gabim serioz, që Washingtoni nuk po i dërgon mesazhe të forta edhe Beogradit.
“Jam i sigurt se kryeministri është në dijeni të shqetësimeve amerikane. Jam i sigurt se edhe presidenti Vuçiq po ashtu, por Uashingtoni dhe Brukseli nuk po i dërgojnë Beogradit të njëjtat mesazhe të forta që po i dërgojnë Prishtinës. Ky është një gabim i rëndë”, ka thënë Serwer.
I pyetur për takimet e shpeshta të Kurtit me britanikët dhe rreth asaj nëse Kurti duhet të fokusohet më shumë tek aleanca me Washingtonin dhe Brukselin, Serwer thotë se nuk e ka problem që Kurti komunikon me britanikët, por shton se ai duhet të mendojë rreth riparimit të raporteve me BE-në dhe SHBA’në.
“S’i kam problem bisedat e tij me britanikë, por ai duhet gjithashtu të mendoj rreth riparimit të raporteve me BE-në dhe SHBA-në”, ka përfunduar Serwer.
![](https://gazetainfokus.com/wp-content/uploads/2023/11/FotoLajm.jpg)
Të tjera
-
Abdixhiku nga Kuvendi u drejtohet qytetarëve: Refuzojeni këtë pushtet që i pati të gjitha dhe nuk dha asgjë
Kryetari i LDK-së, Lumir Abdixhiku, ka kritikuar pushtetin për kthim mbrapa e...
-
Abdixhiku e nis seancën me kritika ndaj qeverisë
Kryetari i LDK-së, Lumir Abdixhiku, seancën e parë të sesionit vjeshtor e ka ...
-
Muja thotë se rritja ekonomike është “arma e fortë” e Qeverisë që s’po diskutohet, të qeshura në Kuvend
Deputeti i Lëvizjes Vetëvendosje, Armend Muja foli në emër të grupit parlamen...
-
“Më mirë vonë se kurrë”, Kurti thotë se aktakuza për sụlmin në Banjskë ka mundur të ngritet shumë më herët
Kryeministri i Kosovës, Albin Kurti ka thënë se ende nuk e ka parë aktakuzën ...
-
Oda Amerikane: Qeveria të përmbahet nga masat që përjashtojnë Kosovën nga nismat rajonale
Oda Ekonomike Amerikane në Kosovë i ka vlerësuar si shqetësuese paralajmërime...
-
Sesioni vjeshtor në Kuvend nisi me një mysafir special
Ka nisur sot sesioni vjeshtor në Kuvendin e Kosovës. Kryetari i Parlamenti...
-
Sekuestrohet në Skënderaj arma e zjarrit e postuar në rrjete sociale
Policia e Kosovës në Skënderaj ka identifikuar personin e dyshuar pasi i njëj...
-
Meteo Kosova alarmon për përmbytje: Përfshihen edhe Shqipëria dhe Mali i Zi
Faqja e parashikimit të motit, Meteo Kosova ka bërë thirrje për kujded, duke ...
-
Konflikti “Sekiraqa-Capat”: Arrestohet edhe një person për manipulim me prova
Policia e Kosovës ka arrestuar edhe një person për konfliktin e armatosur mes...
-
Një burrë sụlmon një grua në Fushë Kosovë
Një burrë është arrestuar në Fushë Kosovë, pasi dyshohet ka ushtruar dhunë fi...
-
Tërnava kritikon “Lëvizjen e Deçanit”: Po e prish harmoninë dhe bashkëjetesën ndërfetare
Myftiu i Kosovës, Naim Tërnava, e ka kritikuar “Lëvizjen e Deçanit”, e cila p...
-
Donald Trump një aset de facto rus, mendon ish-zyrtari i FBI-së i shkarkuar nga ai
Donald Trump mund të shihet si një aset rus, megjithëse jo në kuptimin tradic...