Serwer s’sheh bazë për një marrëveshje të madhe Kosovë-Serbi: Të niset me diçka të vogël
Autori: Gazeta inFokus 17:36 | 10 May 2022
Profesori i “Johns Hopkins University” dhe njohësi i zhvillimeve në Ballkan, Daniel Serwer, në ‘blogun’ e tij “Peacefare” ka shkruar për stadin aktual dhe për vazhdimin e dialogut në mes të Kosovës dhe Serbisë, dialog ky që ndërmjetësohet nga Bashkimi Evropian.
Serwer thotë se pavarësisht fktit që Kosova dhe Serbia kanë nënshkruar një marrëveshje në vitin 2013, e gjithë kjo dekadë pas asaj marrëveshje ka qenë joproduktive. Eksperti amerikan thotë se edhe përkundër që kanë lauar 10 vjet nga marrëveshja e Brukselit, ngecja e ndodhur për gjithë këto vite rrezikon Ballkanin dhe shpërbërjen e paqes dhe stabilitetit rajonal.
Kur e thotë këtë, Serwer bashkëngjit një video të një Alexander Dugin, i njohur ndryshe edhe si “Truri i Putinit”, i cili lavdëron Vuçiqin dhe Dodikun dhe paralajmëron që koha e “ringjalljes së sllavizmit” do të vije.
A ka shpresë për progres?- pyet Serwer.
Eksperi amerikan thotë se rrethanat aktuale nuk janë të përshtatshme për të shënuar progres. Këtu përmend lidhjen e fortë të Serbisë me Rusinë dhe faktin që pjesa serbe e Bosnje e Hercegovinës që drejtohet nga Millorad Dodik është nën direktivat e plota dhe kontrollohet nga Moska.
Përveç kësaj, Serwer thotë se Amerika, Britania e Madhe dhe bashkimi Evropian janë të preokupuar për të ndihmuar ukrainasit për t’iu kundërpërgjigjur agresionit rus.
“Rajoni i Ballkanit është shumë poshtë në listën e urgjencave”, shkruan Serwer, raporton Gazeta Express.
Përveç kësaj, Serwer thotë se vëmendja është edhe tek zgjedhjet në SHBA 2022-2024, të cilat së shpejti do të fokusojnë vëmendjen amerikane në zhvillimet e brendshme atje.
“Çdo kush në Ballkan do të jetë duke mbajtur frymën për të parë nëse Donald Trump do të ketë një shans reale për t’u rikthyer në Shtëpinë e Bardhë. Nëse i duket mirë, Serbia do të dëshirojë të vazhdojë pauzën në dialogun me Kosovën, duke qenë se Trump ishte simpatik ndaj ambicieve territoriale të Beogradit. Nëse Prishtina dëshiron diçka nga dialogu, duhet ta marrë shpejtë”, ka thënë Serwer.
Serwer tutje flet edhe për kërkesën e liderëve të Kosovës që Serbia të pranojë krimet e regjimit të Sllobodan Millosheviqit, derisa konstaton se një temë e tillë s’është e mirë për në fillim, derisa thotë se mbase një marrëveshje për tabelat e makinave do të ishte një çështje më e lehtë për t’u zgjidhur.
Ndërkohë në gjithë mozaikun e ngjarjeve aktuale dhe asaj se si po shkojnë negociatat, Serwer thotë se aktualisht s’është situata e “pjekur” për një marrëveshje të madhe. Siç thotë eksperti amerikan, ndoshta është më mirë që t’iu kthehet çështjeve të vogla “teknike”, si njohja e kodit ndërkombëtar të telefonisë së Kosovës, kthimi i artefakteve kulturore e njohja reciproke e diplomave, përfshirë edhe personat e zhdukur edhe targat.
Serwer thotë se normalizimi i raporteve dhe njohja reciproke janë madhështore në rast se ndodhin, megjithatë thotë se për momentin, është më mirë që të arrihet një marrëveshje e vogël, meqë s’ka kushte për diçka më të madhe.
“Një mundësi tjetër është negocimi rajonal i parimeve bazë të sjelljes së ndërsjellë, gjë që mungon shumë. Asnjëra ide s’është aq madhështore sa “normalizimi i raporteve” apo njohja reciproke. Por ndoshta më pak është më mirë tani për tani”, thotë në fund Serwer./GazetaExpress/
Të tjera
-
Sveçla takohet me Ballën, bien dakord që Policisë së Kosovës t’i bashkohet Taskforca e Përbashkët e Migracionit
Ministri i Punëve të Brendshme, Xhelal Sveçla, me ftesë të homologut i tij, T...
-
Perëndimi duhet të jetë në gjendje lufte
Nga: Anders Fogh Rasmussen, ish-sekretar i përgjithshëm i NATO-s (2009-‘14) d...
-
LAJMI I FUNDIT: Martin Berishaj po intervistohet në Prokurorinë Speciale
Martin Berishaj ambasadori i Kosovës në Kroaci, është duke u intervistuar nga...
-
Gërvalla në Kalabri të Italisë: Të shfrytëzojmë resurset dhe të forcojmë urat e bashkëpunimit
Ministrja e Punëve të Jashtme dhe Diasporës, Donika Gërvalla është duke qëndr...
-
Krasniqi takohet me Gorçeviqin e Malit të Zi, dakordohen për thellim të bashkëpunimeve
Ministri i Administrimit të Pushtetit Lokal, Elbert Krasniqi priti në takim m...
-
Serbi: Raporti i KE-së për Kosovën shihet si gjest armiqësor
Miratimi i raportit që i hap rrugën Kosovës për anëtarësim në Këshilin e Evro...
-
Kroacia nis procedurat për njohjen e patentë shoferëve të Kosovës
Qeveria e Kroacisë ka nisur procedurat për njohjen e ndërsjellë të patentë sh...
-
Tenderi i dyshimtë 2 milionësh i Përparim Ramës për Prishtina Parking
Një tender i komunës së Prishtinës në vlerë mbi 2.5 milionë duket se ka ngjal...
-
Lajçak nga shtatori me post të ri
Përfaqësuesi i veçantë i Bashkimit Evropian për dialog Miroslav Lajçak do të ...
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
Osmani kujton mas*akrën e Belegut: Qoftë i përhershëm kujtimi për gjithë të rënët për liri
Presidentja e Kosovës, Vjosa Osmani, ka kujtuar masakrën e Belegut në Deçan, ...
-
Ministri italian i Mbrojtjes mbërrin në Kosovë, ambasada jep detaje për agjendën e tij
Ministri italian i Mbrojtjes, Guido Crosetto, ka mbërritur në Aeroportin Ndër...