Lajme

Serwer: Ndarja e Kosovës i ndihmon Rusisë, shkakton probleme edhe në Ballkan

Autori: Gazeta inFokus 00:01 | 21 Gusht 2018

Analisti amerikan, Daniel Serwer, e ka cilësuar si shumë të rrezikshme idenë për ndarjen e Kosovës.
Ai në një intervistë për gazetën serbe, ‘Danas’, ka thënë se ndarja e Kosovës do të ngriste të njëjtën çështje edhe në vendet tjera, e sidomos në Maqedoni, Bosnjë, Mal të Zi dhe Serbi.

Madje sipas tij, një gjë e tillë, do t’i ndihmonte tentativave të Rusisë për devijimin dhe marrjen e territoreve në Gjeorgji, Moldavi dhe Ukraninë.

I pyetur për deklaratat e kancelares amerikane, e cila tha se nuk do të ketë ndryshim të kufijve në regjion, Serwer tha se edhe amerikanët duhet ta përsërisin të njëjtën frazë.

-Advertisement-

“Ai ka goditur në shenjë, tash amerikanët duhet ta përsërisin të njëjtën”, është shprehur Serwer.

E sipas Serwer një marrëveshje ideale mes Kosovës dhe Serbisë, sipas tij do të ishte një zgjidhje e cila do të ruante integritetin territorial të dy vendeve, dhe e cila do t’i mundësonte Kosovës anëtarësimin në organizata ndërkombëtare.

Analisti amerikan pati një përgjigje interesante kur u pyet se a mendon që Thaçi, Vuçiq e Mogherini duhet të nominohen për çmimin “Nobel” për paqe.

“Po, pse jo?”, ishte përgjigja e Serwer.

Kujtojmë se Serwer është një kundërshtues i madh i ndryshimit të kufijve në regjion.

Këtë e ka shprehur në secilën prej intervistave kur është pyetur për një gjë të tillë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy