Serkretari serb i mbrojtjes: Duhet ta gjuajmë topin në oborr të Kosovës
Autori: Gazeta inFokus 12:56 | 27 January 2023
Sekretari shtetëror në ministrinë serbe të mbrojtjes, Nemanja Staroviq, ka thënë sot se “Beogradi duhet të veprojë me mençuri dhe ta gjuaj topin në oborr e Prishtinës, duke mos thënë “jo”, por duke qëndruar në tryezën e bisedimeve.
Staroviq ka pretenduar se “në këtë moment është e nevojshme që Serbia të tregohet e mençur, të peshojë me kujdes çdo lëvizje dhe të mos lejojë rrethanat e tilla “që të fajësohemi ne dhe të pësojmë”, e që nuk do të thotë se duhet të pranojmë atë që është e pafavorshme për Serbinë”.
“Në aspektin taktik, ne duhet të jemi të mençur, ta vendosim topin në fushën e Prishtinës, duke mos thënë – jo edhe pikë, por duke qëndruar në tryezën e bisedimeve dhe duke përfituar nga fakti se në Perëndim është pjekur vetëdija se është me rëndësi që fillimisht të zbatohet ajo për të cilën është pajtuar, e ky është Asociacioni”, mundohet Staroviq që nëpërmes të televizionit në shërbim të Vuçiqit “TV Pink”, t’ju “hedhë hi në sy” opozitës serbe e cila tashmë u bë shumë e zëshme duke e akuzuar presidentin serb për tradhti, transmeton Paparaci.
“Nëse ia dalim, Kurti do të jetë në pozitë të vështirë”, vazhdon Staroviq.
“Kurtit do ta ketë të vështirë, sepse politika e tij mbështetet vetëm në fushatën kundër Asociacionit”, ka pretenduar ai.
“Ne si shtet nuk duhet të lejojmë të jemi pala që do të fajësohet për dështimin e nismës. Dhe që pas një vit ta kuptojmë se kemi një Serbi të shkatërruar, si rezultat i veprimeve të pamenduara mirë”, ka pretenduar ai.
Ai përmendi edhe deklaratën e shefes së diplomacisë gjermane, Analene Berbock, e cila tha se “BE-ja është në luftë”, e cila, sipas pretendimeve të tij, “vetëm se tregon se çdo logjikë e diplomacisë është e humbur, se nuk ekziston më as logjika e as profiti, por logjika e luftës, në të cilën shpesh merren vendime të paarsyeshme”, aludon Staroviq në kërcënimin e “pesëshes perëndimore” për tërheqjen e investimeve nëse Vuçiq nuk pajtohet me marrëveshjen.
Duke shtuar se presidenti serb Aleksandar Vuçiq me të drejtë ka theksuar shpejtësinë me të cilën kompanitë e huaja janë tërhequr nga tregu rus.
“Kur flasim për ndërprerjen e investimeve dhe tërheqjen e kompanive, këtë duhet ta marrim seriozisht. Kjo nuk do të thotë se ne pranojmë gjëra të pafavorshme për Serbinë, por duhet të qëndrojmë në tryezë”, mendon Staroviq se do të kenë sukses për t’i tej zgjatur bisedimet deri në pafund.
Të tjera
-
Hashim Thaçi sot ka ditëlindjen
sh-presidenti i Kosovës, Hashim Thaçi, feston sot 56-vjetorin e lindjes. A...
-
Sot mbahen zgjedhjet për president në Maqedoni të Veriut, në garë shtatë kandidatë
Qytetarët e Republikës së Maqedonisë së Veriut sot nga ora 7 deri në 19 do të...
-
Rohde: Për t’u anëtarësuar në KiE, Kosova duhet të bëjë “hapa të prekshëm” për Asociacionin
Ambasadori i Gjermanisë në Kosovë, Jorn Rohde, ka thënë se Kosova duhet të bë...
-
Ja emrat e dekanëve të rinj të Universitetit të Prishtinës
Dje, në Universitetin e Prishtinës, është zhvilluar procesi i zgjedhjes së de...
-
Kurti: Besojmë që Franca ta mbështesë Kosovën në KiE pa parakushte
Kryeministri i Republikës, Albin Kurti ka thënë se në bisedën e sotme telefon...
-
U kërcënua se mbështeti Kosovën në KiE, i ofrohet mbrojtje policore deputetit boshnjak
Policia e Bosnje dhe Hercegovinës, i ka ndarë mbrojtje të afërt deputetit, Sa...
-
Mot me diell dhe vranë, temperaturat shënojnë rritje
Për të mërkurën në Kosovë parashikohet të mbajë mot me vranësira dhe interval...
-
Vasfije Krasniqi: Çdo ditë e kujtoj tmęrrin që më ndodhi nga forcat serbe
Vasfije Krasniqi Goodman është kthyer në një grua simbol dhe heroinë për shum...
-
Ngjarjet e datës 24 prill
UBT organizon Konferencën Ndërkombëtare “Building Sustainable IoT Ecosystems”...
-
Kurti flet për telefonatën me Macron, shpreson se Franca do ta mbështes anëtarësimin në KiE pa Asociacionin
Kryeministri i vendit Albin Kurti në një bisedë telefonike të zhvilluar me pr...
-
Dita e Turqve, Konjufca: Ky komunitet shtetin tonë e përjeton si të vetin
Kryetari i kuvendit, Glauk Konjufca, në organizimin për nder të Ditës Kombëta...
-
Kurti në Panairin e Hanoverit, e quan historike pjesëmarrjen e parë të Kosovës
Kryeministri i Kosovës, Albin Kurti, ka vizituar Panairin e Hanoverit “20...