Serbia reagon pas deklaratës së Kurtit për reciprocitet, e quan kërcënim
![](https://gazetainfokus.com/wp-content/uploads/2022/04/Petar-Petkovic-852x460.jpg)
Autori: Gazeta inFokus
16:14 | 18 April 2022
Drejtori i Zyrës për Kosovën në Qeverinë e Serbisë, Petar Petkoviq, ka reaguar pas deklaratave të kryeministrit të Kosovës, Albin Kurti, i cili tha se për marrëveshjen për targat, parimi i reciprocitetit është i “padiskutueshëm dhe i panegociueshëm”.
Përmes një komunikate për media, Petkoviq tha se Kurti nuk ka kredibilitet që të flasë për reciprocitetin në dialogun dhe marrëveshjet e arritura me Beogradin.
“Deklarata të tilla nuk janë gjë tjetër veçse një kërcënim i parakohshëm dhe nuk kanë të bëjnë fare me respektimin dhe zbatimin e marrëveshjeve të arritura deri më tani”, thuhet në komunikatë.
Kryeministri i Kosovës, Albin Kurti, deklaroi më 18 prill se zgjidhja për çështjen e targave duhet të bazohet në parimin e reciprocitetit.
“Ajo që e di që është e padiskutueshme, e panegociueshme është parimi i reciprocitetit si thelb i çfarëdo zgjidhjeje të ardhshme”, tha Kurti.
Siç thuhet në njoftimin e Zyrës për Kosovën të Qeverisë Serbe, Beogradi ka thënë se do të jetë pala përgjegjëse për ruajtjen e paqes dhe stabilitetit dhe së pari do të kujdeset për serbët.
“Nëse ai vërtetë është i përkushtuar për ndërtimin e paqes dhe bashkëjetesës së qëndrueshme në Kosovë dhe më gjerë, në Ballkanin Perëndimor, Kurti do të kishte mundësuar themelimin e Asociacionit të komunave me shumicë serbe dhe kështu do të kontribuonte në stabilizimin e situatës në terren dhe respektimit të të drejtave të popullit serb në Kosovë”, tha Petkoviq.
Grupet punuese të Kosovës dhe Serbisë, me ndërmjetësimin e Bashkimit Evropian, kanë afat që deri më 21 prill të arrijnë një marrëveshje për targat, pasi aktualisht është në fuqi një marrëveshje e përkohshme e targave, ku makinat nga Kosova dhe Serbia duhet të mbulojnë me letër ngjitëse simbolet shtetërore në targa.
Në shtator të vitit të kaluar, Kosova kishte vendosur masën e reciprocitetit për targat nga Serbia. Shoferët e makinave me targa serbe, me të hyrë në Kosovë u detyruan që të pajisjen me targa provuese. Ideja ishte që këto targa provuese të ishin të vlefshme për 60 ditë dhe të kushtonin pesë euro.
Deri atëherë, qytetarët e Kosovës, të cilët kishin targa RKS (Republika e Kosovës), përgjatë një dekade, kur hynin në territorin e Serbisë, paguanin rreth pesë euro për targat provuese, që vlenin për 60 ditë.
Por, vendosja e reciprocitetit nxiti protesta dhe bllokada nga serbët lokalë, të cilët shtatorin e kaluar bllokuan rrugët që çonin në dy pikëkalimet kufitare që lidhin Kosovën dhe Serbinë, Jarinjë dhe Bërnjak.
Më 30 shtator, me ndërmjetësimin e BE-së, Kosova dhe Serbia arritën një marrëveshje të përkohshme për targat. Por, grupet punuese nga Kosova dhe Serbia, me ndërmjetësimin e Bashkimit Evropian kanë afat që deri më 21 prill të arrijnë një marrëveshje përfundimtare.
I dërguari i posaçëm i BE-së për dialogun Kosovë-Serbi, Mirosllav Lajçak, kishte deklaruar në mars për REL-in se ishte optimist se grupet punuese do të prezantonin propozime për këtë çështje, për të cilat më pas do të vendosnin udhëheqja politike e të dyja shteteve.
![](https://gazetainfokus.com/wp-content/uploads/2024/07/1-scaled.jpg)
Të tjera
-
Zhduket një grua në Rahovicë të Ferizajt, publikohet fotografia
Një grua nga fshati Rahovicë e Ferizajt është zhdukur. Bëhet fjalë për Ham...
-
Deda: Kosovës kronikisht i mungon vizioni përparimtar për ndryshim dhe mirëqenie
Opinionisti Ilir Deda, thotë se Kosovës kronikisht i mungon vizioni përparimt...
-
BE-ja shpreh keqardhje që Mongolia s’e arrestoi Putinin
Bashkimi Evropian (BE) e ka kritikuar Mongolinë të martën për dështimin e saj...
-
Parashikimi i motit për të mërkurën
Për të mërkurën parashikohet të mbajë mot me diell dhe vranësira, të cilat gj...
-
Dështoi shkarkimi i tij, reagon Afrim Gashi: Ngadhënjeu arsyeja mbi paragjykimin dhe propagandën
Kryetari i Kuvendit të Maqedonisë së Veriut, Afrim Gashi, ka reaguar pasi ka ...
-
Dardan Sejdiu: Investimet e huaja direkte 91% janë në patundshmëri
Analisti politik, Dardan Sejdiu, duke folur për investimet e huaja direkte në...
-
Arrestimi i Liridon Rexhepit nën dyshimin se punoi për Mossad, avokati Koci publikon deklaratën e familjes
Intelegjenca turke (MIT), ka arrestuar shtetasin kosovar, Liridon Rexhepi në...
-
Mehmet Loci: Në gishta i njoh ata që i kam rrahụr, pse po i përmendni vetëm emrat e shqiptarëve që kanë ushtruar dhụnë
Mehmet Loci nuk ka shprehur pendesë për veprimtarinë e tij e dhunën e ushtrua...
-
Selmanaj publikon fotografi të prindërve duke pritur për libra: Pasojat e mediokritetit në qeverisje
Driton Selmanaj, deputet i LDK-së, ka publikuar dy fotografi, ku shihen shumë...
-
Francezin “non-grata” në Kosovë, Vuçiqi e angazhon që t’i luftojë “rrenat” e mediave perëndimore për Serbinë
Arnaud Gouillon (Arno Gujon) është vetëm 38-vjeç, por ka qenë shumëçka gjatë ...
-
Avokati i Sali Sekiraqës: Dy familjet nuk kishin probleme të mëhershme
Naser Sopjani, avokat i Sali Sekiraqës, ka thënë se nuk ka pasur probleme mes...
-
Mehmet Loci: Në disa raste kam qenë i kamufluar si gazetar i Tanjugut
Mehmet Loci ka vazhduar të mohojë akuzat që i janë bërë atij për dhunën e ush...